ජාතික ඩෙංගු මර්දන ඒකකයේ නවතම වාර්තාවලට අනුව වසරේ මේ දක්වා කාලය තුළ දිවයිනෙන් වාර්තා වන ඩෙංගු රෝගීන්ගේ සංඛ්යාව තවදුරටත් ඉහළ ගොස් ඇත. ඒ අනුව මේ වන විට මෙරටින් වාර්තා වී ඇති සමස්ත ඩෙංගු රෝගීන් සංඛ්යාව 83,661ක් දක්වා වර්ධනය වී ඇති අතර, මෙම දරුණු තත්ත්වය හේතුවෙන් පුද්ගලයින් 61 දෙනෙකුට සිය ජීවිත අහිමි වී තිබේ. රෝග ව්යාප්තිය හමුවේ දිවයින පුරා තත්ත්වය බරපතළ වෙමින් පවතින අතර මේ වන විට හඳුනාගෙන ඇති සමස්ත ඩෙංගු අධි අවදානම් කලාප සංඛ්යාව 175කි.
දිස්ත්රික් මට්ටමින් සලකා බැලීමේදී වැඩිම බලපෑමක් එල්ල වී ඇත්තේ ගම්පහ දිස්ත්රික්කයට වන අතර එහිදී රෝගීන් 17,779ක් වාර්තා වී ඇත. දෙවැනියට වැඩිම රෝගීන් සංඛ්යාවක් කොළඹ දිස්ත්රික්කයෙන් වාර්තා වන අතර එම අගය 16,665ක් ලෙස සටහන් වේ. පළාත් මට්ටමින් ගත් කල බස්නාහිර පළාත තවදුරටත් වැඩිම අවදානමක් සහිත කලාපය ලෙස පවතින අතර, එහි සමස්ත රෝගීන් සංඛ්යාව 44,359කි. ඊට අමතරව රෝගීන් 12,586ක් වාර්තා කරමින් දකුණු පළාත දෙවැනි වරට වැඩිම ඩෙංගු රෝගීන් සංඛ්යාවක් වාර්තා වූ පළාත බවට පත්ව තිබේ.