මෙවර 2025 (2026) අපොස සාමාන්ය පෙළ විභාගයේ කාලසටහන පිළිබඳ විශේෂ අවධානයක් යොමු කරන ලෙස විභාග කොමසාරි ජනරාල් ඒ. කේ. එස්. ඉන්දිකා කුමාරි ලියනගේ මහත්මිය විභාග අපේක්ෂකයින්ට දැනුම් දෙයි.
මේ සම්බන්ධයෙන් සම්බන්ධයෙන් දැනුම්වත් කිරීමේ මාධ්ය හමුවකට එක්වෙමින් ඇය පැවසුවේ ශ්රී ලංකා විභාග දෙපාර්තමේන්තු නිල වෙබ් අඩවියේ සහ නිල ෆේස්බුක් ගිණුමෙහි ඇති කාලසටහන පමණක් සලකා බලන ලෙසය.
ඊට හේතුව පසුගිය වසරට වඩා මෙවර සාමාන්ය පෙළ විභාගයේ විෂය පෙළ ගැස්ම පස්වන, හයවන, හත්වන සහ අටවන දිනයන් හි වෙනස් කර තිබීමයි.
මේ නිසා නිවැරදි කාලසටහන පමණක් භාවිත කරන ලෙස ද ඉන්දිකා කුමාරි ලියනගේ මහත්මිය වැඩිදුරටත් සඳහන් කළාය.