22 වන ආණ්ඩුක්රම ව්යවස්ථා සංශෝධන පනත් කෙටුම්පත සහ අධිකරණ සංවිධාන සංශෝධන පනත් කෙටුම්පත දෙවන වර කියවීමේ පාර්ලිමේන්තු විවාදයේ අවසන් දිනය අදයි.
22වන ආණ්ඩුක්රම ව්යවස්ථා සංශෝධන පනත් කෙටුම්පත සම්බන්දයෙන් වන පාර්ලිමේන්තු විවාදය ඊයේ (24) ආරම්භ වූ අතර අද(25) පස්වරුවේ අදාළ පනත් කෙටුම්පත සම්මත කර ගැනීම සඳහා වන ජන්ද විමසීම පැවැත්වීමට නියමිතය.
මෙම පනත් කෙටුම්පත් සම්බන්ධයෙන් වන ශ්රේෂ්ඨාධිකරණ තීන්දුව මගින් ලබා දුන් තීරණය පසුගිය 22වන අඟහරුවාදා කථානායක වෛද්ය ජගත් වික්රමරත්න මහතා විසින් පාර්ලිමේන්තුවට ඉදිරිපත් කළේය.
එහිදී 22වන ආණ්ඩුක්රම ව්යවස්ථා සංශෝධන පනත් කෙටුම්පත සම්මත කිරීම සඳහා ජනමත විචාරණයක් අවශ්ය නොවන බවත්, පාර්ලිමේන්තුවේ තුනෙන් දෙකක විශේෂ බහුතරයකින් පමණක් එය සම්මත කිරීම ප්රමාණවත් බවට ශ්රේෂ්ඨාධිකරණය තීරණය කර තිබුණි.
එලෙසම අධිකරණ සංවිධාන සංශෝධන පනත් කෙටුම්පත සරල බහුතරයකින් සම්මත කළ හැකි බවටද ශ්රේෂ්ඨාධිකරණය දැනුම් දී ඇති බව කථානායකවරයා පාර්ලිමේන්තුවට දැන්වීය.