NEWSNOW| – දකුණු කොරියාවේ මධ්‍යවාර පාර්’ලිමේන්තු මහ මැතිවරණය අද ආරම්භ කෙරුණි.
මෙම මැතිවරණයෙන් දකුණු කොරියානු ජනාධිපති යූන් සුක් යොල්ගේ පාලක පක්ෂය සැලකිය යුතු පරාජයක් අත්විඳින බව පෙනී ගිය අතර, ප්‍රධාන දකුණු කොරියානු විකාශකයින් තිදෙනෙකු විසින් නිකුත් කරන ලද පිටවීමේ ඡන්ද ප්‍රතිඵල පෙන්නුම් කළේ ප්‍රධාන විපක්ෂය එහි බහුතරය හිමිකර ගනු ඇති බවය.
ඡන්ද විමසීම සවස 6 ට අවසන් වීමෙන් පසු නිල ගණන් කිරීම ආරම්භ වූ අතර. එරට මාධ්‍ය වාර්’තා කළේ විපක්ෂයේ ඩිමොක්‍රටික් පක්ෂය ආසන 178 ත් 196 ත් අතර ජයග්‍රහණයක් ලබා ගනිමින් ඒකමතික ජාතික සභාවේ බහුතර බලය පුළුල් කරනු ඇතැයි පුරෝකථනය කර ඇති බවයි. ජාතික විකාශකයාගේ සංඛ්‍යාලේඛන පෙන්වා දුන්නේ යූන්ගේ මහජන බලය පක්ෂය ආසන 87 ත් 105 ත් අතර ප්‍රමාණයක් දිනා ගැනීමට පෙළඹී සිටින බවයි. මැතිවරණයට පෙර ඩිමොක්‍රටික් පක්ෂයට ආසන 154ක් හිමි වූ අතර එය පීපීපී සතුව තිබූ ආසන 114ට වඩා වැඩිය.
දකුණු කොරියානු පාර්’ලිමේන්තුවේ බහුතර බලයක් ඇත්තේ ඩිමොක්‍රටික් පක්ෂයටය. එහෙයින්, පසුගිය කාලයේ ජනාධිපති යූන් සුක් යෝල් ට පනත් කෙටුම්පත් සම්මත කර ගැනීම ගැටලුවක් විය.
මේවනවිට දකුණු කොරියාව ප්‍රධාන වශයෙන් ගැටලු 3 කට මුහුණ දෙයමින් සිටි යි.ඒ ඉහළ යන ආහාර මිල, වැඩිහිටි ජනගහනය වර්’ධනය සහ වෛද්‍ය වර්ජනය එම ගැටලු 3 බව පැවැසෙයි. මේ හේතුවෙන් ජනාධිපති යූන් සුක් යෝල්ග් ජනප්‍රියත්වය අඩු වෙමින් පවතින බව ද වාර්’තා වේ.