ශ්රී ලංකා අග්නිදිග විශ්වවිද්යාලයේ ඉස්ලාමීය අධ්යයන හා අරාබි භාෂා පීඨයේ අවසන් වසර සිසුන් පිරිසක් පසුගිය නොවැම්බර් 18 වැනිදා ශ්රී ලංකා පාර්ලිමේන්තුවේ අධ්යයන චාරිකාවකට එක්වූහ.
රටේ දේශපාලන හා පරිපාලන ව්යුහයන් පිළිබඳ සෘජු දැනුම ලබා දීමේ අරමුණින් සංවිධානය කළ මෙම චාරිකාව සඳහා පුත්තලම දිස්ත්රික් පාර්ලිමේන්තු මන්ත්රී එම්. ජේ. එම්. ෆයිසල් මහතා විසින් නිල අවසරය ලබා දී තිබේ.
පාර්ලිමේන්තුවේ ක්රියාකාරකම්, ව්යවස්ථාදායක ක්රියා පටිපාටි සහ ප්රජාතන්ත්රවාදී පාලන ව්යුහය පිළිබඳව සිසුන් මෙහිදී ප්රායෝගික අත්දැකීම් රැසක් ලබා ගත් අතර, මෙම අවස්ථාව සලසා දීම පිළිබඳව මන්ත්රීවරයාට සිය ස්තූතිය පළ කළහ.
මෙම අවස්ථාවට නියෝජ්ය කථානායකවරයා, නියෝජ්ය අමාත්යවරයෙකු ඇතුළු පාර්ලිමේන්තු මන්ත්රීවරුන් පිරිසක් ද එක්ව සිටි අතර, තරුණ පරපුරේ අධ්යාපනික හා බුද්ධිමය ප්රගතියට මෙවැනි ක්ෂේත්ර චාරිකා මහඟු පිටිවහලක් වන බව සඳහන් කෙරිණි.

