ශ්‍රී ලංකාවේ නිරිතදිග මුහුදු තීරයට සැතපුම් 15ක් පමණ දුරින්, චීනයට බොරතෙල් ප්‍රවාහනය කළ ඉරානයට සම්බන්ධ තෙල් නෞකා 20ක් පමණ මේ වන විට නැංගුරම් ලා ඇති බව වාර්තා වේ.
දැඩි අමෙරිකානු සම්බාධක සහ නාවික අවහිරතා හේතුවෙන් මෙම නෞකා දැඩි අර්බුදයකට මුහුණ දී ඇති අතර, ඇතැම් යාත්‍රාවල ආහාර, ඉන්ධන සහ පානීය ජල හිඟයක් ද මතු වී තිබේ.
අමෙරිකානු සම්බාධකවලට හසුවීමේ බිය නිසා ශ්‍රී ලාංකික සැපයුම්කරුවන් සේවා සැපයීමට මැළිවීම හේතුවෙන් නෞකාවල සිටින කාර්ය මණ්ඩල දැඩි අසීරුතාවට පත්ව ඇත.
මෙම නෞකා පිහිටා ඇත්තේ ශ්‍රී ලංකාවේ සුවිශේෂී ආර්ථික කලාපය (EEZ) අසල ස්වෛරී මුහුදු සීමාවෙන් පිටත බැවින්, ලංකා බලධාරීන්ට පවතින නීතිමය බලතල සීමිත වුවද නෞකාවල ගමනාගමනය අඛණ්ඩව නිරීක්ෂණය කෙරේ.
ජාත්‍යන්තර සම්බාධක හමුවේ කලාපීය සාගර ප්‍රවාහනය මුහුණ දී ඇති මෙම ගැටලුව හමුවේ නාවිකයන්ගේ මානුෂීය අවශ්‍යතා පිළිබඳව ද අවධානය යොමු වී ඇත.