පවතින සක්රීය නිරිතදිග මෝසම් කාලගුණය හේතුවෙන් දිවයිනේ නිරිතදිග ප්රදේශවල වැසි සහ සුළං තත්ත්වයේ වර්ධනයක් හෙට (06) සිට ඉදිරි දින කිහිපයේදී බලාපොරොත්තු වන බව කාලගුණවිද්යා දෙපාර්තමේන්තුව නිවේදනය කරයි.
ඒ අනුව බස්නාහිර, සබරගමුව, වයඹ පළාත්වලට මෙන්ම මහනුවර, නුවරඑළිය, ගාල්ල සහ මාතර දිස්ත්රික්කවලට විටින් විට වැසි හෝ ගිගුරුම් සහිත වැසි ඇතිවිය හැකි අතර, අහස වලාකුළින් බරව පවතිනු ඇත. විශේෂයෙන් බස්නාහිර සහ සබරගමුව පළාත්වලත්, මහනුවර, නුවරඑළිය සහ ගාල්ල දිස්ත්රික්කවලත් ඇතැම් ස්ථානවලට මිලිමීටර් 100 ඉක්මවූ තද වැසි පතිත විය හැක.
මීට අමතරව, අම්පාර, මඩකලපුව සහ මොණරාගල දිස්ත්රික්කවල පස්වරු 2.00න් පසුව ස්ථාන ස්වල්පයක වැසි හෝ ගිගුරුම් සහිත වැසි ඇතිවීමේ හැකියාවක් පවතී.
උතුරු මැද, සබරගමුව, දකුණ, මධ්යම සහ වයඹ පළාත්වල පැයට කිලෝමීටර් 40-50 දක්වා තද සුළං හමනු ඇත. ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු මඟින් සිදුවන අනතුරු අවම කරගැනීමට අවශ්ය පියවර ගන්නා ලෙස මහජනතාවගෙන් වැඩිදුරටත් ඉල්ලා සිටියි.