ශ්රී ලංකා සංචාරක සංවර්ධන අධිකාරිය පවසන පරිදි මේ වසරේ ගත වු කාලය තුළ සංචාරකයින් 900,000 වැඩි පිරිසක් දිවයිනට පැමිණ ඇත.
ඒ අනුව ජනවාරි පළමු දින සිට මැයි 6 දක්වා කාලය තුළ සංචාරකයින් 904,855ක් දිවයිනට පැමිණ ඇති බව එම අධිකාරිය සඳහන් කරයි.
ඉන් වැඩි දෙනෙකු ඉන්දීය ජාතිකයින් වන අතර එම සංඛ්යාව 200,796ක් වේ.
එමෙන්ම බ්රිතාන්ය, රුසියාව, ජර්මනිය සහ චීනය ඇතුළු රටවලින් මෙරටට වැඩි වශයෙන් පැමිණ තිබේ.
මේ අතර මැයි මස පළමු දින සිට 6 වන දින දක්වා කාලය තුළ සංචාරකයින් 28,578දෙනෙකු දිවයිනට පැමිණ ඇති බව ශ්රී ලංකා සංචාරක සංවර්ධන අධිකාරිය සඳහන් කළේය.
කෙසේ වෙතත් මෙම දත්ත නිරීක්ෂණය කිරීමේ දී පෙනී යන්නේ ජනවාරි, පෙබරවාරි සහ මාර්තු යන මාසයන්ට සාපේක්ෂව අප්රේල් සහ මැයි මාසයේ දෛනික සංචාරක පැමිණීම සැලකිය යුතු ලෙස පහළ ගොස් ඇති බවය.