අමෙරිකා එක්සත් ජනපද ජනාධිපති ඩොනල්ඩ් ට්රම්ප් විසින් අති උතුම් ලියෝ පාප්වහන්සේව දැඩි ලෙස විවේචනයට ලක් කර ඇති බව විදෙස් මාධ්ය පවසයි.
ඒ පාප්වහන්සේ යුද්ධය සම්බන්ධයෙන් සිදුකර ඇති ප්රකාශයකට විරෝධය පළ කරමිනි.
අදාළ විවේචන මගින් අමෙරිකානු ජනාධිපතිවරයා චෝදනා කර ඇත්තේ පාප්වහන්සේ අපරාධවලට කැමති අයෙකු බවය.
න්යෂ්ටික අවි හදන එක නිවැරදි කියන මෙන්ම නගරවල අපරාධ සිදුවන එක ගණන් නොගත යුතු බව කියන පාප්වහන්සේ කෙනෙකුට තමන් අකමැති බවත් අමෙරිකානු ජනාධිපතිවරයා පාප්වහන්සේ වෙත චෝදනා කර තිබේ.
එමෙන්ම තමන් පාප් වහන්සේගේ රසිකයෙකු නොවන බවත් ඔහු ලිබරල් මිනිසෙකු බවත් අමෙරිකානු ජනාධිපතිවරයා සඳහන් කර තිබේ.
මේ අතර මෙලෙස පාප්වහන්සේට අමෙරිකානු ජනාධිපතිවරයා සිය සමාජ මාධ්ය ගිණුමක් වන Truth Social ගිණුමේ ඡායාරූපයක් පළ කර ඇති අතර එය මේ වන විට ලොව පුරා බොහෝ පිරිසකගේ දැඩි අවධානයට මෙන්ම විවේචනයටද ලක්ව තිබේ.
අදාළ පින්තූරය මගින් අමෙරිකානු ජනාධිපතිවරයා තමන් ජේසුස් වහන්සේ බවට අර්ථ ගන්වා ඇති අතර තමන් ලෝක සාමය මෙන්ම මිනිසුන්ට පිහිටවන සැබෑ ජේසුස්වහන්සේ කෙනෙකු බවද ඔහු එමගින් නිරූපනය කර තිබේ.