NEWSNOW | – ඒකාබද්ධ අලුත් අවුරුදු නැකැත් සීට්ටුවක් ප්රකාශයට පත්කිරීමට දෙපාර්ශවයේම එකඟතාවය හිමිව තිබේ.
මේ බව බුද්ධශාසන, ආගමික සහ සංස්කෘතික කටයුතු අමාත්ය ආචාර්ය හිනිඳුම සුනිල් සෙනවි මහතා පැවසුවේ අද (16) පෙරවරුවේ පැවති විශේෂ මාධ්ය හමුවකට එක්වෙමිනි.
අමාත්යවරයා පවසා සිටියේ, ඈපා පංචාංග ලිත් කතෘ ඉන්දික ඈපා සෙනවිරත්න, තිරසර පංචාංග ලිත් කතෘ චමත් කොතලාවල සහ විකල්ප නැකත් කණ්ඩායමේ සාමාජිකයින් තමා සමඟ පැවති සාකච්ඡාවේ දී මෙම අවසන් එකඟතාවයට පැමිණි බවය.
ඒ අනුව හෙට (17) දිනයේ නැකැත් සීට්ටුව මුද්රණය කර, රාජ්ය නැකැත් සීට්ටුව ලෙස ජනතාවට එය ලබාදෙන බවත් අමාත්යවරයා මෙහිදී පැවසීය.
සංස්කෘතික කටයුතු දෙපාර්තමේන්තුව 2024 වසරේදී ‘රාජ්ය නැකැත් කමිටුව’ විසුරුවා හැරි අතර මේ දක්වා රජය නැවතත් නැකැත් කමිටුවක් පත්කර නැහැ.