යාපනය උතුරු ප්රදේශයේ අද(10) අලුයම පොලිස් වෙඩි තැබීමකින් 17 හැවිරිදි පිරිමි ළමයෙකු මිය ගිය බව පොලිසිය පවසයි.
කයිට්ස් පොලිස් කොට්ඨාශයේ අල්ලපිඩ්ඩි හන්දිය අසලදී සැක සහිත වෑන් රථයක් නැවැත්වීමට පොලිස් නිලධාරීන් සංඥා කළද එම වාහනය අණ නොතකා මණ්ඩතිව් දෙසට වේගයෙන් ධාවනය කෙරුණු බව පොලිසිය පවසයි.
පලා යන වෑන් රථය පිළිබඳ තොරතුරු කයිට්ස් භාර නිලධාරියා රැගත් ජීප් රථයකට දැනුම් දුන් අතර, ඔහු වාහනයට බාධා කිරීමට උත්සාහ කලත් වාහනය නවත්වන බවක් නොදැනුණු නිසා, නිලධාරීන් පළමුව අහසට අනතුරු ඇඟවීමේ වෙඩි තබා තිබේ.
වාහනය නැවැත්වීමට අපොහොසත් වූ විට, පොලිසිය එය නැවැත්වීමට උත්සාහ කිරීමේදී වෑන් රථයට වෙඩි තැබීය. රියදුරු වෙඩි ප්රහාරයට ලක්ව යාපනය ශික්ෂණ රෝහලට ඇතුළත් කළ අතර, පසුව ඔහු මිය ගිය බව පොලිසිය පැවසීය.
මියගිය පුද්ගලයා වඩ්ඩුකොඩ්ඩෙයි ප්රදේශයේ පදිංචි 17 හැවිරිදි අයෙකු ලෙස හඳුනාගෙන ඇත.
පොලිසිය පැවසුවේ වෑන් රථයේ පිටුපස අංක තහඩුව ඉවත් කර ඇති බවයි. සිද්ධිය වන අවස්ථාවේ වාහනය තුළ සිටි තවත් පුද්ගලයින් දෙදෙනෙකු අත්අඩංගුවට ගෙන ඇත.
කයිට්ස් පොලිසිය සහ යාපනය කොට්ඨාශ අපරාධ විමර්ශන ඒකකය විසින් වැඩිදුර පරීක්ෂණ පවත්වන බව පොලිසිය පැවසීය.
