අධිකරණ අමාත්‍යාංශය විසින් අරමුදල් වෙන් කිරීමට අපහසු බව දැනුම් දීමෙන් පසු උතුරු පළාතේ චෙම්මනිහි සමූහ මිනීවළේ කැණීම් කටයුතු නවතා දමා ඇති බව ද හින්දු පුවත්පත වාර්තා කරයි.
මෙම මෙහෙයුමට සමීප නීතිඥයින් උපුටා දක්වමින් හින්දු පුවත්පත වාර්තා කළේ දින 45 ක කැණීම් කටයුතුවලින් පසු එහි දෙවන අදියර සෙනසුරාදා දහවල් වන විට නතර වූ බවයි.
ඉදිරි සති දෙක තුළ වැඩ කරන කාලය සඳහා අරමුදල් ලබා දීමට අපේක්ෂා කරන බව නීතිඥයින් පවසා තිබේ.
මේ වන විට එම ස්ථානයේ තිබී අස්ථි කොටස් 240 ක් කැණීම් කර ඇත.
නීතිඥයින් විසින් ඇටකටු ගොඩගැනීමේදී, ළදරුවන්ගේ කිරි බෝතල්, බෝනික්කෙකු, සෙල්ලම් බඩු , ළමා බෑග් සහ සපත්තු සොයාගෙන ඇත.
අධිකරණ වෛද්ය නිලධාරියා විසින් යාපනයේ මහේස්ත්‍රාත්වරයාගෙන් තවත් සති 8 ක කැණීම් කටයුතු අපේක්ෂා කර ඇති බව අගෝස්තු 14 දිනැති වාර්තාවකට අනුව හෙළි විය.
මෙහෙයුමට ආසන්නව සිටින නීතිඥයින් පැවසුවේ සැප්තැම්බර් 18 වන දින පැවැත්වීමට නියමිතව තිබූ මීළඟ අධිකරණයේ විභාගයේදී අධිකරණ වෛද්ය නිලධාරියා විසින් වියදම් ඇස්තමේන්තුවක් අධිකරණයට ඉදිරිපත් කරන බවයි.