අසර්බයිජානයේ හා ආර්මේනියාවේ නායකයින් හට සිකුරාදා දින ධවල මන්දිරයේදී ජනපති ඩොනල්ඩ් ට්‍රම්ප් විසින් සත්කාරකත්වයක් ලබා දුන්නේය.
එහිදී දශක ගණනාවක් තිස්සේ පැවති ගැටුම් අවසන් කිරීම අරමුණු කරගත් ගිවිසුමකට අත්සන් තැබූ බව විදෙස් වාර්තා සඳහන් කරයි.
ඇමෙරිකානු ජනාධිපතිවරයා මෙම සිදුවීම “ඓතිහාසික” ලෙස විස්තර කිරීමෙන් අනතුරුව අසර්බයිජානයේ ජනාධිපති ඉල්හාම් අලියෙව් සහ ආර්මේනියානු අගමැති නිකොල් පෂින්යාන් අතට අත ලබා දුන්හ.”එය පැමිණීමට බොහෝ කාලයක් ගත වී ඇත,” යනුවෙන් ට්‍රම්ප් ගිවිසුම ගැන පවසීය.
එමගින් රටවල් අතර ප්‍රධාන ප්‍රවාහන මාර්ග කිහිපයක් නැවත විවෘත කරන අතර කලාපය තුළ එක්සත් ජනපද බලපෑම වැඩි වේ.