NEWSNOW | – හිටපු ධීවර අමාත්‍ය රාජිත සේනාරත්න අත්අඩංගුවට ගැනීම සඳහා මේ වන විට විමර්ශනයක් ආරම්භ කර ඇති බව අල්ලස් හෝ දූෂණ චෝදනා විමර්ශන කොමිෂන් සභාව පවසයි.
කෙසේ වෙතත් හිටපු අමාත්‍යවරයා මේ වනවිට දුරකථනය ද විසන්ධි කර දමා ඇති බවද වාර්තා වේ.
ඔහු අත්අඩංගුවට ගැනීම සදහා ඔහුගේ නිවසට ද අවස්ථා කිහිපයකදී ගොස් ඇති අතර, එහිද හිටපු අමාත්‍යවරයා නොමැති බව එම කොමිසම සඳහන් කළේය.
අල්ලස් කොමිසම විසින් සිදුකරනු ලබන විමර්ශනයකට අදාළව හිටපු අමාත්‍ය රාජිත සේනාරත්න අත්අඩංගුවට ගැනීම සඳහා වරෙන්තුවක් නිකුත් කරන ලෙස අල්ලස් කොමිසම පසුගියදා කොළඹ අතිරේක මහේස්ත්‍රාත් හර්ෂණ කැකුණවෙල හමුවේ ඉල්ලීමක් කර තිබුණි.
රාජිත සේනාරත්න අල්ලස් කොමිසමට පැමිණ විමර්ශනවලට සහාය දැක්වීම මගහරිමින් සිටින බැවින් ඔහු අත්අඩංගුවට ගැනීම සඳහා වරෙන්තුවක් නිකුත් කරන ලෙස එම කොමිසමේ නිලධාරීන් අධිකරණයෙන් ඉල්ලා ඇත.