Home TOP තවත් බස් අනතුරක්. මඟීන් 14කට තුවාල
NEWSNOW | – සේරුනුවර පොලිස් වසමේ සේරුනුවර කන්තලේ මාර්’ගයේ සේරුනුවර කල්ලාර් යුද හමුදා කඳවුර ඉදිරිපිට වංගුව අසලදී අද (20) අලුයම බස් අනතුරට ලක්ව තිබේ.
පොලිසිය පැවසුවේ වර්’ෂාවත් සමඟ බස් රථය මාර්’ගයෙන් ඉවතට පැන මාර්’ගය අයිනේ තිබූ ගසක ගැටී මාර්ගයෙන් ඉවතට පෙරළී අනතුර සිදුව ඇති බවය.
බස් රථයේ මඟීන් 49ක් පමණ ගමන් කර ඇති අතර අනතුරින් බස් රථයේ රියදුරු සහ රිය සහයක සමඟින් මඟීන් 14 දෙනෙකු ප්‍රතිකාර සඳහා සේරුනුවර රෝහලට ඇතුළත් කර පසුව රියදුරු සහ මඟීන් 09 දෙනෙකු වැඩිදුර ප්‍රතිකාර සඳහා ත්‍රීකුණාමලය රෝහල වෙත මාරුකර යවා ඇත.
අනතුරට හේතුව බස් රථයේ රියදුරුගේ අපරීක්ෂාකාරි රිය ධාවනය බවට දැනට සිදුකරන ලද විමර්ශනයේදී අනාවරණය වී ඇත.
සේරුනුවර පොලීසිය වැඩිදුර විමර්ශන සිදුකරනු ලබයි.
