Home TOP දුම්රිය ගමන් වාර රැසක් අවලංගුයි
NEWSNOW | – අද (14) පෙරවරුවේ ධාවනය වීමට නියමිතව තිබූ දුම්රිය ගමන් වාර 10 ක් පමණ අවලංගු කෙරුණු බව දුම්රිය ස්ථානාධිපති සංගමය පවසයි.
ඒ දුම්රිය රියදුරු හා රියදුරු සහායකවරු නොමැතිවීම හේතුවෙනි.
මේ අතර තවත් ගමන් වාර 22 ක් පමණ ධාවනය කිරීම සම්බන්ධයෙන් අවිනිශ්චිත තත්වයක් පවතින බවත් සංගමය පවසයි.
දැනට අවලංගු කිරීමට සිදුවී ඇති දුම්රිය අතර කුරුණෑගල, රඹුක්කන, පොල්ගහවෙල, හලාවත, බලා ධාවනය වීමට නියමිත දුම්රිය ද වේ.
මේ නිසා දුම්රිය මගීන් දැඩි දුෂ්කරතාවයන්ට මුහුණ පෑමට සිදු වූ බවත් දුම්රිය ස්ථානාධිපති සංගමය වැඩි දුරටත් පැවසීය.