ජපානයේ අයිචි-නාගෝයාහි කුරෝගි ක්රීඩා උද්යානයේ පැවැත්වීමට නියමිතව තිබූ අර්ධ අවසන් පූර්ව තරගය අධික වර්ෂාව හේතුවෙන් අත්හැර දැමීමට සිදුවීමත් සමඟ, ආසියානු ක්රීඩා උළෙලේ පිරිමි ක්රිකට් තරගාවලියේ අවසන් පූර්ව වටයට සුදුසුකම් ලැබීමට ශ්රී ලංකා කණ්ඩායම සමත් විය.
පවතින තරගාවලි රීතීන්ට අනුව, තරගයක් විසඳුමකින් තොරව අත්හැර දැමූ විට අයි.සී.සී. (ICC) විස්සයි20 ශ්රේණිගත කිරීම්වල ඉදිරියෙන් පසුවන කණ්ඩායම ඉදිරි වටයට තේරී පත්වේ.
ඒ අනුව, T20I ශ්රේණිගත කිරීම්වල 09 වන ස්ථානයේ පසුවන ශ්රී ලංකාව, 14 වන ස්ථානයේ පසුවන නේපාලයට වඩා ඉදිරියෙන් සිටීම හේතුවෙන් මෙම අවස්ථාව හිමි කර ගත්තේය.