ලොව ළාබාලතම කාන්තා චෙස් ග්රෑන්ඩ්මාස්ටර්වරිය (Woman Grandmaster) බවට පත්වෙමින් 11 හැවිරිදි බ්රිතාන්ය ජාතික බෝධනා සිවානන්දන් ඉතිහාසගත වී ඇත.
උස්බෙකිස්තානයේ සමර්කන්ඩ් නුවර පැවැති 46 වැනි චෙස් ඔලිම්පියාඩ් තරගාවලියේදී එංගලන්තය නියෝජනය කරමින් දැක්වූ විශිෂ්ට දක්ෂතා වෙනුවෙන් ඇයට කාන්තා චෙස් ක්රීඩාවේ ඉහළම ගෞරවය වන මෙම පදවිය හිමිව තිබේ.
මීට පෙරද බ්රිතාන්යයේ ළාබාලතම කාන්තා චෙස් ශූරිය මෙන්ම ඕනෑම ක්රීඩාවකින් ජාත්යන්තර මට්ටමේ තරගාවලියකට එංගලන්තය නියෝජනය කළ ළාබාලතම ක්රීඩිකාව ලෙසද ඇය වාර්තා අතරට එක්ව සිටියාය.
තරගාවලියේ ඉහළම පුවරුවේදී එල්ල වූ පීඩනය පිළිබඳව අදහස් දක්වමින් ඇය පවසා ඇත්තේ, තමන් කිසිදු පීඩනයකින් තොරව තරගය උපරිමයෙන් විඳිමින් ක්රීඩා කිරීමට උත්සාහ කළ බවයි.