2026–2027 ධුර කාලය සඳහා ලංකා වාණිජ මණ්ඩලයේ ශ්රී ලංකා – මැලේසියා ව්යාපාරික සභාවේ සභාපතිවරයා ලෙස ගන්ලත් ටිම්බර් ඇන්ඩ් ට්රාන්ස්පෝට් සර්විසස් හි ටෝනි ගන්ලත් මහතා තේරී පත්වී ඇත.
මෙම අවස්ථාවට ප්රධාන ආරාධිත අමුත්තා ලෙස ශ්රී ලංකාවේ මැලේසියානු මහ කොමසාරිස් බඩ්ලි හිෂාම් ආදම් මහතා සහභාගී විය. සභාවේ 32 වන වාර්ෂික මහා සභා රැස්වීම කොළඹ අමාරි හෝටලයේදී පසුගියදා පැවැත්විණි. එම වාර්ෂික මහා සභා රැස්වීම ශ්රී ලංකා–මැලේසියා ව්යාපාරික සභාවට වැදගත් සන්ධිස්ථානයක් සනිටුහන් කළ අතර, ඉදිරි වසර සඳහා සභාවේ කටයුතු මෙහෙයවීමට නව නිලධාරී මණ්ඩලයක් පත් කරන ලදී.
Aitken Spence Travels (Pvt) Ltd හි සහ්රීන් හමීන් මහත්මිය ජ්යෙෂ්ඨ උප සභාපතිවරිය ලෙස තේරී පත් වූ අතර, MTL Lanka Travels and Logistics (Pvt) Ltd හි මොහොමඩ් රුෂ්ඩි මහතා උප සභාපතිවරයා ලෙස පත් කෙරිණි. International Scholar Educational Services (Pvt) Ltd හි වත්සලා විජේසිංහ භාණ්ඩාගාරිකවරිය ලෙස කටයුතු කරනු ඇත. හිටපු සභාපති මර්ෂාඩ් බැරී මහතා Amana Bank PLC නියෝජනය කරමින් තවදුරටත් කමිටුවේ සේවය කරනු ඇත.
විවිධ ක්ෂේත්ර නියෝජනය කරන සමාගම් රැසක නියෝජිතයන් ද සභාවේ කටයුතු සඳහා දායක වනු ඇත. ඒ අතර Dialog Axiata PLC, Eduko Pathway (Pvt) Ltd, K&D Group of Companies, Mansoor Gems, Mway (Pvt) Ltd, Overseas Cargo Consultants (Pvt) Ltd, Public Bank Berhad, SmashTaps (Pvt) Ltd, SN Travels (Pvt) Ltd සහ World Express (CMB) Ltd ඇතුළත් වේ.
වාර්ෂික මහා සභා රැස්වීම අතරතුරදී බැරී මහතා විසින් ශ්රී ලංකා–මැලේසියා ව්යාපාරික සභාවේ නවතම පුවත්පත ඉදිරිපත් කළ අතර, මැලේසියානු මහ කොමසාරිස් බඩ්ලි හිෂාම් ආදම් මහතා වෙත ඇගයීමේ සංකේතයක් ද පිරිනමන ලදී.
