Home TOP චීනයෙන් ශ්‍රී ලංකාවට සහතිකයක්
NEWSNOW | – ශ්‍රී ලංකාවේ ආර්’ථික ස්ථාවරත්වය ශක්තිමත් කිරීමට සහ ණය තිරසාරභාවය යථා තත්ත්වයට පත් කිරීමට චීනය ජාත්‍යන්තර මූල්‍ය අරමුදල සමග ධනාත්මක මැදිහත්වීම් දිගටම කරගෙන යන බව පවසා ඇත.
ශ්‍රී ලංකා අග්‍රාමාත්‍ය දිනේෂ් ගුණවර්’ධන මහතා සමඟ බීජිං නුවර පැවති ද්විපාර්’ශවික සාකච්ඡාවේදී ජනාධිපති ෂී ජින්පින් මහතා චීනයේ EXIM බැංකුව සහ චීන සංවර්ධන බැංකුව සමඟ එක්ව ශ්‍රී ලංකාවට චීනයේ අඛණ්ඩ සහයෝගය ප්‍රකාශ කළ බව මුදල් රාජ්‍ය අමාත්‍ය ෂෙහාන් සේමසිංහ මහතා පවසයි.
ශ්‍රී ලංකාවේ ආර්’ථික ස්ථාවරත්වය ශක්තිමත් කිරීමට සහ ණය තිරසාර බව ප්‍රතිෂ්ඨාපනය කිරීමට චීනය ජාත්‍යන්තර මූල්‍ය අරමුදල (IMF) සමඟ ධනාත්මක මැදිහත්වීම් දිගටම කරගෙන යන බව ද රාජ්‍ය අමාත්‍යවරයා ‘X’ (කලින් Twitter) හි සටහනක් තබමින් ප්‍රකාශ කළේය.
සේමසිංහ මහතා සිය පස්දින චීනයේ රාජ්‍ය සංචාරයේදී අගමැති ගුණවර්ධන මහතා සමඟ ශ්‍රී ලංකා දූත පිරිසේ කොටසකි.
ශ්‍රී ලංකා අග්‍රාමාත්‍යවරයා බදාදා ඊයේ (27) ජනාධිපති ෂී ජින්පින් හමුවී ඇත.
බෙයිජිං නුවර මහජන මහා ශාලාවේදී පැවති මෙම සාකච්ඡාවේදී, අභ්‍යන්තර කටයුතුවලට මැදිහත් නොවන ජාත්‍යන්තර කටයුතුවලදී මිත්‍රත්වය, සාමය, අන්‍යෝන්‍ය ගෞරවය සහ පංචවිධ මූලධර්මය යටතේ අඛණ්ඩව ක්‍රියා කිරීමට නායකයින් දෙදෙනා එකඟ වී තිබේ. රට, අගමැති කාර්’යාලය නිවේදනයක් නිකුත් කරමින් කියා සිටියේය.
දෙරට අතර අන්‍යෝන්‍ය ගෞරවය සහ අන්‍යෝන්‍ය ඵලදායිතාව මත ද්විපාර්ශ්වික සබඳතා පැවතිය යුතු බවත්, එම ප්‍රතිපත්තිය අනුව කටයුතු කිරීම දෙරටටම හොඳ ආදර්ශයක් ලබා දෙන බවත් මෙහිදී අවධාරණය කෙරුණා.
දේශපාලන සහ සමාජ ආර්ථික ප්‍රගතිය සඳහා ශ්‍රී ලංකාවේ ප්‍රයත්නයන් සඳහා චීනයේ අඛණ්ඩ සහය සහතික කළ ජනාධිපති ෂී මහතා, ශ්‍රී ලංකාවේ ස්වාධීනත්වය, භෞමික අඛණ්ඩතාව සහ ස්වෛරීභාවය ආරක්ෂා කිරීම සඳහා චීනය සැමවිටම පෙනී සිටින බව ද ප්‍රකාශ කළේය.
