Home TOP ඊශ්‍රායල මිසයිල ඉරානයේ ස්ථානයකට පහර දෙයි
NEWSNOW| – ඊශ්‍රායල මිසයිල ඉරානයේ ස්ථානයකට පහර දී ඇති බව විදෙස් මාධ්‍ය පවසයි.
සිරියාවේ ඉරාන තානාපති කාර්’යාලයට එල්ල වූ ප්‍රහාරයට ප්‍රතිචාර වශයෙන් ඉරානය ඊශ්‍රායලයට ඩ්‍රෝන් ප්‍රහාරයක් දියත් කිරීමෙන් දින කිහිපයකට පසුව, මෙම ප්‍රහාරය එල්ල කර තිබේ.
ඉරානයේ ෆාර්’ස් ප්‍රවෘත්ති ඒජන්සිය පැවසුවේ ඉරානයේ ඉසෆහාන් නගරයේ ගුවන් තොටුපළක පිපිරීමක් ඇසුණු නමුත් ඊට හේතුව ක්ෂණිකව අනාවරණය වී නොමැති බවයි. ඉරානයේ යුරේනියම් බලගැන්වීමේ වැඩසටහනේ කේන්ද්‍රස්ථානය වන Natanz ඇතුළු ඉරාන න්‍යෂ්ටික ස්ථාන කිහිපයක් Isfahan පළාතේ පිහිටා ඇත.
ගුවන් ගමන් කිහිපයක් ඉරාන ගුවන් සීමාව හරහා හරවා යවා ඇති බව CNN වාර්’තා කරයි.
සති අන්තයේ, ඉරානය සිරියාවේ සිය තානාපති කාර්’යාල පරිශ්‍රයට ඊශ්‍රායල ප්‍රහාරයක් එල්ල කළ බවට සැක කෙරෙන ප්‍රහාරයෙන් පසු ඉරානය ප්‍රතිප්‍රහාර එල්ල කරමින් ඩ්‍රෝන සහ මිසයිල සිය ගණනක් දියත් කළේය. බොහෝ ඩ්‍රෝන යානා සහ මිසයිල ඊශ්‍රායල භූමියට ළඟා වීමට පෙර බිම හෙළා ඇත.
ගාසා තීරයට ඊශ්‍රායලයේ ප්‍රහාරය ආරම්භ වූයේ පලස්තීන ඉස්ලාමීය කන්ඩායමක් වන හමාස් ඊශ්‍රායලයට ප්‍රහාරයක් එල්ල කිරීමෙන් පසුව, ඊශ්‍රායල ගණන් බැලීම්වලට අනුව, 1,200 ක් ඝාතනය කර ඇත. ප්‍රාදේශීය සෞඛ්‍ය අමාත්‍යාංශයට අනුව ඊශ්‍රායල හමුදා ප්‍රහාරයෙන් ගාසා තීරයේ පලස්තීනුවන් 33,000 කට වැඩි පිරිසක් මිය ගොස් ඇත.
ඉරානයේ පිටුබලය ලබන කණ්ඩායම් ලෙබනනය, යේමනය සහ ඉරාකයෙන් ප්‍රහාර දියත් කරමින් පලස්තීනුවන්ට සහාය ප්‍රකාශ කර ඇත.
