ඊශ්‍රායලය සමඟ ඇති වූ යුද්ධයෙන් අවතැන් වූ ලෙබනන් ජනතාවට සහන සැලසීම සඳහා ඉරානය විසින් හිස්බුල්ලා සංවිධානය වෙත අමෙරිකානු ඩොලර් මිලියන 200ක මූල්‍ය ආධාරයක් ලබාදී ඇති බවට තොරතුරු වාර්තා වන අතර, දැඩි සම්බාධක මධ්‍යයේ මාරු කෙරුණු මෙම මුදල් සඳහා අතරමැදියන් සාමාන්‍ය ගාස්තුව මෙන් සිව් ගුණයක පමණ දැඩි කොමිස් මුදලක් අය කර ඇති බවද සඳහන් වේ.
යුද්ධයෙන් දැඩි ලෙස බලපෑමට ලක්වූ හිස්බුල්ලා ආධාරකරුවන් සඳහා එම සංවිධානය ලබාදෙන ප්‍රථම සැලකිය යුතු මූල්‍ය සහාය මෙය වන බව පෙනෙන්නට තිබුණද, ඉරානයෙන් එවැනි මුදලක් ලැබී නොමැති බවත් හිස්බුල්ලා සංවිධානය සිය ප්‍රතිරූපය රැකගැනීම සඳහා එවැනි ව්‍යාජ තොරතුරු පතුරුවන බවත් අමෙරිකානු රාජ්‍ය දෙපාර්තමේන්තුව සහ භාණ්ඩාගාර දෙපාර්තමේන්තුව තරයේ ප්‍රතික්ෂේප කර ඇත.
කෙසේ වෙතත්, යම් මුදලක් සුරක්ෂිත කර ඇති බවත් එය බෙදාහරින ආකාරය ඉදිරියේදී ප්‍රකාශයට පත් කරන බවත් හිස්බුල්ලා නිලධාරියෙකු පවසා ඇති අතර, ඊශ්‍රායල ප්‍රහාර හමුවේ ලක්ෂ සංඛ්‍යාත ෂියා මුස්ලිම් ජනතාවක් අවතැන් වුවද මේ දක්වා ඔවුන්ට හිස්බුල්ලා සංවිධානයෙන් ලැබී ඇත්තේ ඉතා සීමිත හෝ කිසිදු සහනයක් නොවන බව වාර්තා වේ.