පවතින අධික වර්ෂාපතනය හේතුවෙන් දිස්ත්‍රික්ක 12ක පුද්ගලයින් 10,545 දෙනෙකු පීඩාවට පත්ව ඇති බව ආපදා කළමනාකරණ මධ්‍යස්ථානයේ සහකාර අධ්‍යක්ෂ ප්‍රදීප් කොඩිප්පිලි මහතා සඳහන් කළේය.
මේ අතර, දිවයිනටම බලපා ඇති මෙම අයහපත් කාලගුණ තත්ත්වය සලකා බලා අද (27) දින දිවයිනේ සියලුම පාසල් වසා තැබීමට අධ්‍යාපන අමාත්‍යාංශය තීරණය කර ඇත.
කෙසේ වෙතත්, අස්වැසුම/අ.පො.ස. සාමාන්‍ය පෙළ විභාගයේ සෞන්දර්ය විෂය ප්‍රායෝගික පරීක්ෂණ පෙර සූදානම් කළ පරිදිම අඛණ්ඩව පැවැත්වෙන බව අමාත්‍යාංශය ඊයේ නිකුත් කළ නිවේදනයක දැක්වේ.
මීට අමතරව, කුඩා දරුවන්ගේ ආරක්ෂාව වෙනුවෙන් දිවයින පුරා පිහිටි සියලුම පෙරපාසල් සහ මුල් ළමාවිය සංවර්ධන මධ්‍යස්ථාන ද අද දින වසා තැබීමට මුල් ළමාවිය සංවර්ධනය පිළිබඳ ජාතික ලේකම් කාර්යාලය පියවර ගෙන තිබේ.