දිවයින පුරා පවතින සක්රීය නිරිතදිග මෝසම් කාලගුණ තත්ත්වය හේතුවෙන්, නිරිතදිග ප්රදේශවල වැසි සහ සුළං තත්ත්වයේ වැඩිවීමක් අද (06) සිට ඉදිරි දින කිහිපයේදී බලාපොරොත්තු වන බව කාලගුණවිද්යා දෙපාර්තමේන්තුව නිවේදනය කරයි.
ඒ අනුව බස්නාහිර, සබරගමුව, වයඹ පළාත් මෙන්ම මහනුවර, නුවරඑළිය, ගාල්ල සහ මාතර යන දිස්ත්රික්කවල අහස වලාකුළින් බරව පවතින අතර විටින් විට වැසි හෝ ගිගුරුම් සහිත වැසි ඇතිවිය හැක.
විශේෂයෙන් බස්නාහිර සහ සබරගමුව පළාත්වලත්, මහනුවර, නුවරඑළිය සහ ගාල්ල දිස්ත්රික්කවලත් ඇතැම් ස්ථානවලට මිලිමීටර් 100 ඉක්මවූ තද වැසි පතිත වීමේ අවදානමක් පවතී.
මීට අමතරව, අම්පාර, මඩකලපුව සහ මොණරාගල දිස්ත්රික්කවල පස්වරු 2.00න් පසුව ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකි බව සඳහන් වේ.
එමෙන්ම උතුරු මැද, සබරගමුව, දකුණ, මධ්යම සහ වයඹ පළාත්වල පැයට කිලෝමීටර් 40-50 දක්වා විටින් විට තද සුළං හමනු ඇත.
ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු මඟින් සිදුවන අනතුරු අවම කරගැනීමට අවශ්ය ආරක්ෂිත පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් වැඩිදුරටත් ඉල්ලා සිටියි.