අද (31) සවස 04.00ට ඉදිරි පැය 36 සඳහා බලපැවැත්වෙන පරිදි කාලගුණ විද්යා දෙපාර්තමේන්තුව විශේෂ නිවේදනයක් නිකුත් කර තිබේ.
එම නිවේදනයට අනුව බස්නාහිර, සබරගමුව සහ වයඹ පළාත්වලට මෙන්ම මහනුවර, නුවරඑළිය, ගාල්ල සහ මාතර දිස්ත්රික්කවලට විටින් විට වැසි ඇති විය හැකි අතර, ඇතැම් ප්රදේශවලට මිලිමීටර් 100 ඉක්මවූ තද වැසි ඇතිවීමේ හැකියාවක්ද පවතී.
මීට අමතරව මාතලේ, අනුරාධපුර සහ හම්බන්තොට දිස්ත්රික්කවල වැසි ස්වල්පයක් අපේක්ෂා කළ හැකි වුවද, දිවයිනේ සෙසු ප්රදේශවල ප්රධාන වශයෙන් පවතින්නේ වියලි කාලගුණික තත්ත්වයකි.
එමෙන්ම උතුරු, උතුරු-මැද, මධ්යම, වයඹ සහ සබරගමුව පළාත්වලත්, මොණරාගල, හම්බන්තොට සහ ත්රිකුණාමලය දිස්ත්රික්කවලත් විටින් විට පැයට කිලෝමීටර් 40ත් 50ත් අතර තද සුළං ඇති විය හැකි බවද එම නිවේදනයේ වැඩිදුරටත් සඳහන් වේ.