සතියක් ඇතුළත චීනයට බලපෑ දෙවැනි සුළි කුණාටුව ලෙස ‘බාවි’ ප්රබල සුළි කුණාටුව පසුගියදා එරට වෙරළ තීරයට කඩා වැදුණි. මෙම ස්වාභාවික ආපදාව හේතුවෙන් ඇතිවිය හැකි අවදානම කළමනාකරණය කර ගැනීම සඳහා බලධාරීන් විසින් කල්තියාම අනතුරු ඇඟවීම් නිකුත් කර තිබූ අතර, එහි ප්රතිඵලයක් ලෙස ලක්ෂ ගණනක ජනතාව ආරක්ෂිත ස්ථාන වෙත යොමු කෙරිණි.
කුණාටුවේ බලපෑම ප්රධාන වශයෙන් එල්ල වූයේ ටයිසෝ වෙරළාශ්රිත නගරයට වන අතර, වෙන්ෂු නගරය ඇතුළු අවට ප්රදේශවලට දැඩි වර්ෂාව සහ ජල ගැලීම් තත්ත්වයන් වාර්තා විය.
චීනයට පැමිණීමට පෙර මෙම කුණාටුව පිලිපීනය හරහා ගමන් කළ අතර, එම රට තුළ පමණක් පුද්ගලයින් 17 දෙනෙකු මියගිය බව වාර්තා වේ.
කුණාටුවේ බලපෑම අවම කර ගැනීම උදෙසා චීන බලධාරීන් විසින් ගුවන් ගමන් අත්හිටුවීමටත්, පාසල් සහ රාජ්ය ආයතන සඳහා නිවාඩු ලබා දීමටත් කටයුතු යොදා තිබිණි. කෙසේ වෙතත්, කුණාටුවේ ප්රබලත්වය හේතුවෙන් ප්රදේශ රැසක නිවාස රැසකට හානි සිදුවී ඇති අතර විදුලිබල සැපයුමද අඩාල වී තිබේ.