රුහුණු විශ්වවිද්යාලයේ මානව ශාස්ත්ර හා සමාජීය විද්යා පීඨයේ ඉගෙනුම ලැබූ සිසුවියක් ඩෙංගු උණ වැලඳීමෙන් ජීවිතක්ෂයට පත්ව තිබේ.
මෙලෙස අකාලයේ මියගොස් ඇත්තේ, මාතර, දෙනියාය ප්රදේශයේ පදිංචිව සිටි, රුහුණු විශ්වවිද්යාලයේ 46 වන ශිෂ්ය කණ්ඩායමට අයත් සඳලි තාරකා නැමැති සිසුවියකි.
ඇය මියයෑමට පෙර සිය සමීපතම මිතුරියක් වෙත වට්ස්ඇප් පණිවුඩයක් යොමු කරමින් සඳහන් කර ඇත්තේ, “නොමැරි සිටියොත් එන්නම්” යනුවෙනි.
එය ඇය සිය මිතුරියට යැවූ අවසන් පණිවිඩය වන අතර, ඇගේ වියෝව විශ්වවිද්යාලයම දැඩිව කම්පනයට හා ශෝකයට පත්කර තිබේ.
සදලිගේ වියෝව ගැන ඇයගේ සහෝදර සිසු සිසුවියන් සමාජ මාධ්ය ඔස්සේ සංවේදී සටහන් තබමින් ශෝකය ප්රකාශ කර ඇති අතර, මෙවන් අකල් මරණයක් මතු ආත්මයක අත් නොවේවා යැයි ප්රාර්ථනා කර ඇත.
තවත් ශිෂ්ය ජීවිතයක් ඩෙංගු රෝගයට බිලිවන තුරු බලා නොසිට, විශ්වවිද්යාල පරිශ්රයන් තුළ ඩෙංගු මර්දන වැඩපිළිවෙළවල් කඩිනමින් ක්රියාත්මක කළ යුතු බවට ද සරසවි සිසුහු බලධාරීන්ගෙන් දැඩිව ඉල්ලා සිටිති.