ඉරානය සහ ඊශ්රායලය අතර පවතින ගැටුම්කාරී තත්ත්වය සමනය කිරීම සඳහා වන සාම ගිවිසුම මේ වන විට “අවසන් අදියරට” (Final throes) පැමිණ ඇති බව ඇමෙරිකානු ජනාධිපති ඩොනල්ඩ් ට්රම්ප් ප්රකාශ කර තිබේ. දෙපාර්ශවයම තමන්ගේ මැදිහත් වීම මත අන්යෝන්ය ප්රහාර තාවකාලිකව නැවැත්වීමට එකඟ වූ බව ට්රම්ප් මාධ්ය වෙත පවසා ඇත.
කෙසේ වෙතත්, ටෙහෙරාන් (Tehran) පාලනය අනතුරු අඟවන්නේ ඊශ්රායලයේ “ආක්රමණශීලී” ක්රියාමාර්ග තවදුරටත් ක්රියාත්මක වුවහොත්, විශේෂයෙන්ම ලෙබනනය ඉලක්ක කරමින් ප්රහාර එල්ල වුවහොත්, තමන් ද නැවත ප්රහාර දියත් කිරීමට පසුබට නොවන බවයි.
ඊශ්රායල මාධ්ය වාර්තාවලට අනුව, අගමැති බෙන්ජමින් නෙතන්යාහු සැලසුම් කර තිබූ විශේෂ ප්රහාරයක් අවලංගු කිරීමට පියවර ගෙන ඇත. ඒ, ජනාධිපති ට්රම්ප් විසින් ඊශ්රායලයට “පරෙස්සම් වන ලෙස”අනතුරු ඇඟවීමෙන් පසුවය.
නමුත් මෙම දේශපාලන තත්ත්වයන් මධ්යයේ වුවද, දකුණු ලෙබනනයේ නබටියේ (Nabatieh) සහ ටයර් (Tyre) යන ප්රදේශ ඉලක්ක කරගනිමින් ඊශ්රායල ගුවන් ප්රහාර අඛණ්ඩව ක්රියාත්මක වේ. මේ වන විට වාර්තා වන සමස්ත මරණ සංඛ්යාව 3,637 දක්වා ඉහළ ගොස් ඇත.
මේ අතර, 1967 වසරේදී ඊශ්රායල ප්රහාරයකට ලක්වූ ඇමෙරිකානු ඔත්තු බැලීමේ නෞකාවක් වන යූ.ඇස්.ඇස්. ලිබර්ටි (USS Liberty) සිදුවීම සම්බන්ධයෙන් නව විමර්ශනයක් පවත්වන ලෙස ඇමෙරිකානු කොන්ග්රස් මණ්ඩල මන්ත්රී තෝමස් මැසී (Thomas Massie) ඉල්ලා තිබේ.
USS Liberty සිදුවීම: 1967 හයේ යුද්ධය (Six-Day War) අතරතුර ඊශ්රායල ගුවන් සහ නාවික ප්රහාර හේතුවෙන් මෙම ඇමෙරිකානු නෞකාවේ සිටි නාවිකයන් 34 දෙනෙකු මියගොස් 170 කට අධික පිරිසක් තුවාල ලැබූහ. ඊශ්රායලය එවකට ප්රකාශ කළේ එය වැරදීමකින් සිදුවූවක් බව වුවද, මෙහිදී හිතාමතාම මිනිස් ඝාතනයක් සිදුවූයේද යන්න පිළිබඳව නැවත සොයා බැලිය යුතු බව මන්ත්රීවරයා අවධාරණය කරයි.