කොළඹ ප්රදේශ කිහිපයකට ජල කප්පාදුව සිදු කරන කාල සීමාව අඩු කිරීම සඳහා අවධානය යොමුව ඇති බව ජාතික ජල සම්පාදන හා ජලාපවහන මණ්ඩලය පවසයි.
පවතින තත්ත්වය හමුවේ සිදු කරන ජල කප්පාදුව පැය 8ක් හෝ 12ක් දක්වා අඩු කිරීමට අවධානය යොමුව ඇත..
වියළි කාලගුණ තත්ත්වයත් සමග ජල සැපයුමට එල්ල වී ඇති බාධා සැළකිල්ලට ගනිමින් පාදුක්ක, හෝමාගම, පැලන්වත්ත සහ පන්නිපිටිය යන ප්රදේශවලට දින 03කට පසු එක් දිනයක් ජල සැපයුම අත්හිටුවීමට ජල සම්පාදන මණ්ඩලය තීරණය කර තිබුණි.
කෙසේවෙතත් පැය 24ක කාලයක් ජල සැපයුම අත්හිටුවීමෙන් පාරිභෝගික ජනතාවට සිදුවන දුෂ්කරතා සැළකිල්ලට ගනිමින් එම කාලසීමාව පැය 18ක් දක්වා අඩු කිරීමට පියවර ගන්නා බව එම මණ්ඩලය ඊයේ නිවේදනය කළේය.
එම කාල සීමාව තවදුරටත් අඩු කිරීම සම්බන්ධයෙන් මේ වන විට ජලසම්පාදන මණ්ඩලයේ අවධානය යොමුව ඇත.
මේ අතර කොළඹ දිස්ත්රික්කයේ ජල සැපයුමට තවදුරටත් බාධා එල්ල වුවහොත් බවුසර් මගින් ජලය සැපයීම සඳහා ද විශේෂ වැඩපිළිවෙලක් ක්රියාත්මක කරමින් පවතින බව ජාතික ජල සම්පාදන හා ජලාපවහන මණ්ඩලය පැවසීය.
ඒ අනුව සෙසු දිස්ත්රික්කවල එම මණ්ඩලය යටතේ පවතින බවුසර් රථ කොළඹට රැගෙන ඒමට මේ වන විටත් පියවර ගෙන ඇති බව ජාතික ජල සම්පාදන හා ජලාපවහන මණ්ඩලයේ සභාපති ඉංජිනේරු චන්දන බණ්ඩාර මහතා සඳහන් කළේය.