සමාජයේ ප්රධාන කොටසක් වන තරුණයින් අතර සමගිය සහ සහජීවනය ගොඩනැගීමේ අරමුණින් ජාතික තරුණ සේවා සභාව සහ යෞවන සමාජය එක්ව සංවිධානය කරන ලද තරුණ සහජීවන ඉෆ්තාර් උත්සවය ඊයේ(15) පුත්තලම මල්හාස් පිළිගැනීමේ ශාලාවේදී සාර්ථකව පැවැත්විණි.
ජාතියේ ස්ථාවරත්වයට සහ සාමයට අත්යවශ්ය අංගයක් වන තරුණයින් නිවැරදි මාවතට යොමු කිරීමෙන් තිරසාර සංවර්ධනයක් ගොඩනැගීමේ අරමුණින් වත්මන් රජය විවිධ වැඩසටහන් ක්රියාත්මක කරමින් සිටින බව දන්නා කරුණකි.
මේ සම්බන්ධයෙන්, මුස්ලිම්වරුන් විසින් ශුද්ධ වූ රාමසාන් මාසයේ අවසාන කොටස සමරනු ලබන මෙම අවස්ථාවේදී, ඊයේ (15) දිනයේ පවතී මෙම ඉෆ්තාර් උත්සවය සියලු ප්රජාවන් නියෝජනය වන ලෙස තරුණ තරුණියන් එක්රැස් කිරීමට සහ ඔවුන් අතර මුස්ලිම්වරුන් අනුගමනය කරන සාම්ප්රදායික දේවල් පිළිබඳ අවබෝධයක් ලබා ගැනීමට හොඳ අවස්තාවක් විය.
කිරාත් නම් අල්කුරාන පාරායනය ඇතුළු සංස්කෘතික සිදුවීම් සමඟ ආරම්භ වූ මෙම උත්සවය සිංහල සහ දෙමළ තරුණයින් දෙදෙනෙකු විසින් හොඳින් මෙහෙයවන ලද අතර සිංහල තරුණියක් විසින් ස්තූති කථාව පවත්වන ලදී.
ඉෆ්තාර් වැඩසටහනට මුලුමනින්ම මුස්ලිම් ආගමික චාරිත්රයක් වන අතර ඊට සියලු ජාතීන් එක්වී ඔවුන් අතර සමගිය සහ සහජීවනය ගොඩනැගීම සඳහා එක්වන විශිෂ්ට සංකේතයක් බවට පත් විය.
ඊට අමතරව, මෙම උත්සවය සංවිධානය කිරීම සඳහා සියලු ආගම්වල තරුණ තරුණියන් උද්යෝගයෙන් එක්ව සිටි බව ද දක්නට ලැබුණි.
පුත්තලම දිස්ත්රික් අන්තර් ආගමික කමිටුවේ සියලුම ආගම්වලට අයත් ආගමික නායකයින් මෙම අවස්ථාවට සහභාගී වූ අතර, ප්රධාන ආරාධිත අමුත්තා ලෙස රාජ්ය පරිපාලන හා ස්වදේශ කටයුතු අමාත්ය ආචාර්ය මහාචාර්ය චන්දන අබේරත්න මහතා සහ ගෞරවනීය ආරාධිතයින් ලෙස පුත්තලම දිස්ත්රික් පාර්ලිමේන්තු මන්ත්රීවරුන් වන මුහම්මද් ෆයිසාල්, අජිත් ගිහාන් ඇතුළු පිරිසක් සහභාගී වූහ. ශ්රී ලංකා ජාතික තරුණ සේවා සභාවේ සභාපති නීතිඥ සුපුන් විජේරත්න මහතා සහ පුත්තලම නගරාධිපති ඉංජිනේරු රින්සාඩ් අහමඩ් මහතා විශේෂ ආරාධිතයින් ලෙස සහභාගී වුහ.
රට යහපත් දිශාවකට ගෙන යාමේ අරමුණින් ආරම්භ කරන ලද මෙම උත්සවය, අදාළ ප්රජාවන්ගේ අනන්යතා සහ පැවැත්ම සම්පූර්ණයෙන්ම ආරක්ෂා කරන සහ ඔවුන් පිළිබඳ නිවැරදි පැහැදිලි කිරීම් සහ අවබෝධය නිර්මාණය කරන ආකාරයෙන් දිගටම කරගෙන ගියහොත්, මේ රටේ ශ්රේෂ්ඨ අනාගතයක් නිර්මාණය වන බවට සැකයක් නැත.
