NEWSNOW | – මැදපෙරදිග කලාපයේ උත්සන්න වී ඇති යුදමය ගැටුම් හේතුවෙන්, අමෙරිකාවේ පෙට්රල් මිල ගැලුමකට ඩොලර් 3 සීමාව ඉක්මවා ගොස් තිබේ.
එය පසුගිය නොවැම්බර් මාසයෙන් පසු ප්රථම වතාවට සිදුව ඇති බව විදෙස් මාධ්ය පවසයි.
අමෙරිකානු සහ ඊශ්රායල ප්රහාරවලට ප්රතිචාර වශයෙන් ඉරානය විසින් එල්ල කළ ප්රතිප්රහාර හේතුවෙන් හෝමුස් සමුද්ර සන්ධියේ නෞකා ගමනාගමනයට සහ තෙල් පිරිපහදු මධ්යස්ථානවලට මේ වන විට බාධා එල්ල වී ඇත.
මේ හේතුවෙන් ලෝක වෙළඳපොළේ බොරතෙල් මිල 5% කට වඩා වැඩි අගයකින් ඉහළ ගොස් ඇති අතර, එය අමෙරිකානු පාරිභෝගිකයින්ට සෘජුවම බලපා තිබේ.
විශ්ලේෂකයින් අනාවැකි පල කරන්නේ පවතින අර්බුදය හමුවේ මෙම සතිය තුළ පෙට්රල් මිල ගැලුමකට ඩොලර් 3.25 දක්වා තවදුරටත් ඉහළ යා හැකි බවය.