තවත් සද්දන්තයෙක් යකඩ යකාට බිලි වෙයි

NEWSNOW | – කොළඹ සිට මඩකලපුව බලා අද (18) අලුයම ධාවනය වුණු දුම්රියේ වනඅලියෙකු ගැටී තිබේ.

අද අලුයම 5:30ට පමණ ගල්ලෑල්ල ප්‍රදේශයේදී මෙම අනතුරෙන් වනඅලියා මියගොස් ඇත.

මෙම වනඅලියා එම ප්‍රදේශයේ වී ගබඩාවලට පහරදී වී ආහාරයට ගන්නා බවත් අද අලුයම තුනේ සිට මෙම ගම්මානයේ වනඅලියා සැරිසරමින් සිටි බවත් ඒ පිළිබඳව වනජීවී දෙපාර්තමේන්තුවට දැනුම්දීමට ගම්වාසීන් කටයුතු කළත් නිලධාරීන් දුරකථන විසන්ධි කර තිබූ බවටද ගම්වාසීහු චෝදනා කරති.

වනඅලියා නිරන්තරයෙන් ගම්වදින බවත් ඒ සම්බන්ධයෙන් වනජීවී දෙපාර්තමේන්තුව නිසි ක්‍රියාමාර්ගයක් ගත්තේ නම් මෙවැනි විපතක් සිදු නොවනු ඇති බවද ගම්වාසීන් පවසයි.

වයස අවුරුදු 15ක් පමණ වන උස අඩි 8ක පමණ වන වනඅලියෙකු මෙලෙස මිය ගොස් තිබේ.