NEWSNOW | – චීන කොමියුනිස්ට් පක්ෂයේ (CPC) ආරාධනයෙන් චීනයේ නිල සංචාරයක නිරත වූ ජනතා විමුක්ති පෙරමුණු මහලේකම් ටිල්වින් සිල්වා මහතා චීන ෂෙජියැං පළාතේ ආණ්ඩුකාර ලියු ජී මහතා හමුවී තිබේ.
පසුගිය 09 වනදා මෙම හමුව ෂෙජියැං පළාතේ ප්‍රධාන මහජන පිළිගැනීමේ ශාලාවේදී පැවැත්විණි. සිල්වා මහතා ජනතා විමුක්ති පෙරමුණ සහ චීන කොමියුනිස්ට් පක්ෂය අතර සබඳතා ශක්තිමත් කිරීම සඳහා අඛණ්ඩව දරන උත්සාහයේ කොටසක් ලෙස ජනතා විමුක්ති පෙරමුණ නියෝජනය කරන දූත පිරිසකට නායකත්වය දෙමින් චීනයේ සිටී.
ශ්‍රී ලංකාව සහ චීනය අතර දිගුකාලීන මිත්‍රත්වය මෙන්ම ජනතා විමුක්ති පෙරමුණ සහ චීන කොමියුනිස්ට් පක්ෂය අතර සම්බන්ධතාවය පිළිබඳව සාකච්ඡා පැවැත්විණි. ශ්‍රී ලංකාවේ ආර්’ථික ප්‍රකෘතියට උපකාර කිරීම සඳහා ෂෙජියැං පළාතෙන් සහාය ලබා ගැනීමේ අවස්ථා ද දෙපාර්’ යම ගවේෂණය කළහ.
ජාතික ජනතා බල (NPP) රජයේ නායකත්වය යටතේ ශ්‍රී ලංකාව පැහැදිලි සංවර්’ධන සැලැස්මක් සමඟ ඉදිරියට යන බවත්, ආර්’ථිකය නැවත ගොඩනැගීම සහ දශක ගණනාවක දූෂිත පාලනය අවසන් කිරීම අරමුණු කරගත් බවත් සිල්වා මහතා සඳහන් කළේය. චීනයේ සංවර්’ධන අත්දැකීම්, විශේෂයෙන් ෂෙජියැං පළාතේ අත්දැකීම් වලින් ඉගෙන ගැනීමට ද ඔහු බලාපොරොත්තු විය.
මෙම හමුවට තරුණ කටයුතු නියෝජ්‍ය අමාත්‍ය එරංග ගුණසේකර, නියෝජ්‍ය අමාත්‍ය මුනීර් මුලෆර්, පාර්ලිමේන්තු මන්ත්‍රීවරුන් වන එම්. ජෙගදීශ්වරන්, දීප්ති වාසලතිලක සහ ධර්මප්‍රිය විජේසිංහ යන මහත්වරුන් ඇතුළු නියෝජිත කණ්ඩායමේ අනෙකුත් සාමාජිකයින් සහභාගී විය. චීන පාර්ශවයෙන් නියෝජ්‍ය ආණ්ඩුකාර ලූ ෂාන් සහ චීන කොමියුනිස්ට් පක්ෂයේ ජාත්‍යන්තර දෙපාර්තමේන්තුවේ දකුණු ආසියානු අංශයේ පෑන් ෂුබින් ඇතුළු ජ්‍යෙෂ්ඨ නිලධාරීන් මෙම සාකච්ඡාවලට සහභාගී වූහ.
ජර්’මානු ෆෙඩරල් ජනරජයේ නිල සංචාරය ආරම්භ කරමින් ජනාධිපති අනුර කුමාර දිසානායක මහතා බර්’ලින් බ්‍රැන්ඩන්බර්’ග් ජාත්‍යන්තර ගුවන්තොටුපළට පැමිණියේය.
ජර්මානු ජනාධිපති ෆ්‍රෑන්ක්-වෝල්ටර් ස්ටයින්මියර් මහතා විසින් පවත්වනු ලබන නිල පිළිගැනීමේ උත්සවයක් අද පස්වරුවේ බර්ලිනයේ බෙල්වියු මාලිගයේදී පැවැත්වීමට නියමිත අතර, ඉන් අනතුරුව නායකයින් දෙදෙනා අතර නිල සාකච්ඡා පැවැත්වෙන බව ජනාධිපති මාධ්‍ය අංශය පැවසීය.
විදේශ කටයුතු, විදේශ රැකියා සහ සංචාරක අමාත්‍ය විජිත් හේරත් සහ රජයේ ජ්‍යෙෂ්ඨ නිලධාරීන් පිරිසක් ජනාධිපතිවරයා සමඟ එක්වෙති.
