ජාතික ජනබල වේගය (NPP) කොළඹ මහ නගර සභාවේ (CMC) විශාලතම පක්ෂය ලෙස තේරී ඇති නමුත් නගරාධිපතිවරයා තෝරා පත් කර ගැනීමට අවශ්‍ය බහුතරය එම පක්ෂයට හිමිවී නොමැත.
සමගි ජන බලවේගය (SJB) පාර්ලිමේන්තු මන්ත්‍රී මුජිබර් රහ්මාන් පවසන්නේ, NPP ආසන 48 ක් ලබා ගත් අතර, විපක්ෂ පක්ෂ සාමූහිකව ආසන 69 ක් දිනා ඇති බවයි.
මුජිබර් මන්ත්‍රීවරයා ෆේස්බුක් හි සටහනක් තබා ඇත.
SJB ආසන 29 ක් හිමිකර ගත් අතර එක්සත් ජාතික පක්ෂය (UNP) 13 ක් ලබා ගත් බවයි. ඉතිරි ආසන කුඩා පක්ෂ කිහිපයක් අතර බෙදා හැර ඇත.
කිසිදු පක්ෂයකට පැහැදිලි බහුතරයක් නොමැති බැවින්, ඊළඟ කොළඹ නගරාධිපතිවරයා සභා ඡන්දයකින් තෝරා පත් කර ගැනීමට අවශ්‍ය වනු ඇත. ජාතික ජනබල වේගයට අවම වශයෙන් අමතර සභා සාමාජිකයින් 11 දෙනෙකුගේ සහාය අවශ්‍ය වනු ඇත. විපක්ෂ පක්ෂ බහුතරයක් පිහිටුවීමට සහ සභාව පාලනය කිරීමට සන්ධාන විධිවිධාන සොයනු ඇතැයි අපේක්ෂා කෙරේ.