NEWSNOW | – රුසියානු ජනාධිපති ව්ලැඩිමීර් පුටින් වෙත ලිපියක් යවමින් ජනාධිපති අනුර කුමාර දිසානායක අන්තර් රාජ්‍ය සංවිධානය වන BRICS සමඟ එක්වීමට කැමැත්ත පළ කර ඇති බව රුසියාවේ ශ්‍රී ලංකා තානාපති පකීර් අම්සා පවසයි.
“BRICS පවුලට සම්බන්ධ වීමට ශ්‍රී ලංකාව කැමැත්ත පළ කළේ ජනාධිපති අනුර කුමාර දිසානායක මහතා විසින් ජනාධිපති ව්ලැඩිමීර් පුටින් වෙත ලිපියක් යවමිනි. අපි අනෙකුත් BRICS රටවල් වෙතද හවුල්කාර රටක් ලෙස සම්බන්ධ වීමට ඉල්ලීමක් කර ඇති අතර ඔවුන්ගේ ධනාත්මක ප්‍රතිචාරය බලාපොරොත්තුවෙන් සිටිමු, ”තානාපති Pakir Amza රුසියානු මාධ්‍ය, RIA Novosti වෙත පැවසීය.
ජනාධිපති අනුර කුමාර දිසානායක ඔක්තෝබර් මාසයේදී පුටින් වෙත ලිපියක් යවා ඇති බව තානාපතිවරයා සඳහන් කළේය.
එම මාසයේම ශ්‍රී ලංකාවේ විදේශ අමාත්‍ය විජිත හේරත් ද ශ්‍රී ලංකාව BRICS සහ New Development Bank හි සාමාජිකත්වය සඳහා අයදුම් කිරීමට තීරණය කර ඇති බව නිවේදනය කර තිබුණි. ඔහුට අනුව, කොළඹ මෙම සංවිධානය සලකන්නේ එක්සත් ජාතීන්ගේ ප්‍රඥප්තියේ රාමුව තුළ පුළුල් බහුපාර්’ශවිකත්වය ශක්තිමත් කිරීම තුළින් අන්‍යෝන්‍ය වශයෙන් ප්‍රයෝජනවත් සහයෝගීතාව, සාමය සහ සංවර්’ධනය පිළිබඳ අභිලාෂයන් සාක්ෂාත් කර ගැනීම සඳහා ඵලදායී හවුල්කාරිත්වයක් ලෙසය.
ශ්‍රී ලංකා ජනාධිපතිවරයා බ්‍රික්ස් සංවිධානයට බැඳීම සඳහා රටෙහි ඉල්ලුමට සහාය ඉල්ලා ඉන්දීය අගමැති නරේන්ද්‍ර මෝදි වෙත ගිය බව ද පසුගිය වසරේ දෙසැම්බර් මාසයේදී වාර්’තා විය.
BRICS දැනට බිලියන 3.6 ක ඒකාබද්ධ ජනගහනයක් සහිත රටවල් දහයකින් සමන්විත වේ. මෙම ජාතීන් ලෝකයේ තෙල් නිෂ්පාදනයෙන් 40% කට වඩා වැඩි ප්‍රමාණයක් සහ ගෝලීය භාණ්ඩ අපනයනයෙන් හතරෙන් එකක් පමණ වේ.
