NEWSNOW | – එක්සත් ජනපද ජනාධිපති ලෙස තේරී පත් වූ ඩොනල්ඩ් ට්‍රම්ප් නැවත ධවල මන්දිරයට පැමිණීමට සූදානම් වන විට ඔහුගේ බලයට පත්වන පරිපාලනයේ ප්‍රධාන තනතුරු මේ වන විට ප්‍රකාශයට පත් කර තිබේ.
ට්‍රම්ප්ගේ මැතිවරණ කටයුතු වෙනුවෙන් විශාල වියදමක් දැරූ ‘X’ හි හිමිකරු වන එලොන් මස්ක්ට ඒ අනුව ලොකු තනතුරක් පිරි නමා ඇති බව විදෙස් මාධ්‍ය පවසයි. ඒ රජයේ කටයුතු කාර්’යක්ෂම කිරීම සඳහා පිහිටුවන නව දෙපාර්’තමේන්තුවේ ප්‍රධානියා ලෙසයි.
ෆ්ලොරිඩා රිපබ්ලිකන් නියෝජිත මයික් වෝල්ට්ස් තම ජාතික ආරක්ෂක උපදේශකයා වන බව පැවසූ ට්‍රම්ප්, ප්‍රවීණයෙකු සහ ෆොක්ස් ඇන්ඩ් ෆ්‍රෙන්ඩ්ස් සති අන්තයේ සම සත්කාරක පීට් හෙග්සෙත් ආරක්ෂක ලේකම් ධූරයට පත් කර ඇත.
ට්‍රම්ප් විසින් ඊශ්‍රායලයේ මීළඟ එක්සත් ජනපද තානාපතිවරයා ලෙස හිටපු Arkansas ආණ්ඩුකාර මයික් හකබී සහ මැදපෙරදිග විශේෂ නියෝජිතයා ලෙස සේවය කිරීම සඳහා දිගුකාලීන මිතුරෙකු සහ දේපළ වෙළඳාම් සංවර්’ධකයෙකු වන ස්ටීව් විට්කොෆ් තෝරා ගත්තේය.
ප්‍රවීණ රිපබ්ලිකන් නීතීඥ Bill McGinley ඔහුගේ ධවල මන්දිර උපදේශක ලෙසත් John Ratcliffe CIA අධ්‍යක්ෂවරයා ලෙසත් කටයුතු කරනු ඇති බව තේරී පත් වූ ජනාධිපතිවරයා පැවසීය.
