චීනයට ඇතුළුවීම සහ පිටවීම පාලනය කිරීම සඳහා නව නීති මාලාවක් ක්රියාත්මක කිරීමට එරට රජය පියවර ගෙන ඇති අතර, එමඟින් පුරවැසියන් මත පනවා ඇති රජයේ පාලනය තවදුරටත් දැඩි වන බව වාර්තා වේ.
නව රෙගුලාසිවලට අනුව, විදේශයන්හි සිටියදී චීනයේ ජාතික ආරක්ෂාවට හෝ ප්රධාන අභිලාෂයන්ට හානි වන අයුරින් කටයුතු කළ බවට සැලකෙන පුද්ගලයන්ට නැවත මව්බිමට පැමිණීමෙන් පසු වසර තුනක් දක්වා රටින් පිටවීම තහනම් කිරීමේ බලතල රජයට හිමිවෙයි. මීට අමතරව, තාක්ෂණික ආනයන හා අපනයන නීති උල්ලංඝනය කරන පාර්ශවයන්ට ද මෙම සංචාරක තහනම බලපැවැත්වේ.
මෙම පියවර ජාතික ස්වෛරීභාවය සහ ආරක්ෂාව තහවුරු කිරීම සඳහා ගත් එකක් බවත්, සාමාන්ය ජනතාවගේ සංචාරක නිදහස සීමා කිරීමක් සිදු නොවන බවත් චීන බලධාරීන් ප්රකාශ කරයි.
කෙසේ වෙතත්, මෙම නව නීති හරහා විදේශයන්හි වෙසෙන චීන ජාතිකයන්ගේ අදහස් ප්රකාශ කිරීම සහ ක්රියාකාරකම් පාලනය කිරීමට බීජිං පාලනයට ඇති හැකියාව තවදුරටත් වර්ධනය වන බව විදේශීය විචාරකයෝ පෙන්වා දෙති.