ලොව අසාමාන්ය සහ වෙනස්ම පෙනුමැති සුනඛයන් ඇගයීමට ලක්කෙරෙන “ලොව කැතම සුනඛයා” (World’s Ugliest Dog) තේරීමේ පනස්වන (50) සංවත්සර තරගාවලිය පසුගියදා ඇමෙරිකා එක්සත් ජනපදයේ කැලිෆෝනියා හි සැන්ටා රෝසා නගරයේදී උත්කර්ෂවත් ලෙස පැවැත්වුණා.
වීදිවල අතරමං වූ සහ සුරතල් සතුන් රඳවා තබන මධ්යස්ථානවල සිටින සතුන් දරුකමට හදාගැනීම (Pet Adoption) ප්රවර්ධනය කිරීම සහ එම සතුන්ගේ ජීවිත කතා ලොවට අනාවරණය කිරීම මෙම තරගයේ ප්රධාන අරමුණයි. මෙවර තරගාවලිය සඳහා දෙතොල් පැළුණු (cleft palates), ගමන් බිමන් යාමේ ආබාධ සහිත සහ විවිධ අද්විතීය බාහිර පෙනුමෙන් යුත් සුනඛයන් රැසක් ඉදිරිපත් කර තිබූ අතර, ඇතැම් සතුන් පෝලන්තය වැනි ඈත රටවල සිට පවා මේ සඳහා රැගෙන විත් තිබුණා.
-
පළමු ස්ථානය: සිව්වන වරටත් මෙම තරගයට ඉදිරිපත් වූ, “ජිනී ලූ” (Jinny Lu) නමැති 6 හැවිරිදි ‘පග්’ (Pug) වර්ගයේ සුනඛයා මෙවර ප්රථම ස්ථානය දිනාගත්තා.
-
දෙවන ස්ථානය: “පින්කී” (Pinky) නමැති 11 හැවිරිදි පොමරේනියන්-චිහුවාහුවා (Pomeranian Chihuahua) මිශ්ර සුනඛයා හිමිකර ගත්තා.
-
තෙවන ස්ථානය: උපතින්ම දෙතොල් සහ උඩඟිල්ල පැළීමේ ආබාධයකින් පෙළෙන “ඔටෝ” (Otto) නමැති 2 හැවිරිදි චිහුවාහුවා මිශ්ර සුනඛයාට හිමිවුණා.
