පාරිභෝගික ආරක්ෂණ නීති උල්ලංඝනය කළ කොළඹ පිහිටි පෞද්ගලික ආයතන තුනකට රුපියල් 100,000 බැගින් මුළු රුපියල් 300,000 ක දඩ මුදලක් නියම කිරීමට කොළඹ ප්රධාන මහේස්ත්රාත් අධිකරණය තීන්දු කර තිබේ. පාරිභෝගික කටයුතු පිළිබඳ අධිකාරිය (CAA) විසින් පවරන ලද නඩුවකට අදාළව මෙම නියෝගය නිකුත් කර ඇත.
කොල්ලුපිටිය, බම්බලපිටිය සහ කොළඹ 03 ප්රදේශයන්හි පිහිටි වෙළඳසැල් ඉලක්ක කරගනිමින් මෙම වැටලීම් සිදුකර ඇති අතර, භාණ්ඩවල මිල ගණන් ප්රදර්ශනය නොකිරීම සහ ආනයනකරුගේ තොරතුරු හා උපරිම සිල්ලර මිල (MRP) සඳහන් නොකළ ආනයනික ආහාර ද්රව්ය අලෙවි කිරීම සම්බන්ධයෙන් අදාළ ආයතන වරදකරුවන් වී තිබේ.
-
මිල ප්රදර්ශනය: පාරිභෝගිකයන්ට නිවැරදි තොරතුරු මත පදනම්ව භාණ්ඩ මිලදී ගැනීමට සහ අසාධාරණ ලෙස මිල නියම කිරීම වැළැක්වීමට භාණ්ඩවල මිල සටහන් කිරීම අනිවාර්ය වේ.
-
ආනයනකරුගේ තොරතුරු: යම් ආනයනික ආහාර ද්රව්යයක් නිසා සෞඛ්ය ගැටලුවක්, විෂ වීමක් හෝ අසාත්මිකතාවයක් ඇති වුවහොත් ඊට අදාළ වගවීම තහවුරු කිරීමට ආනයනකරුගේ නම, ලිපිනය සහ සෙසු තොරතුරු සඳහන් කිරීම අත්යවශ්ය වේ.
වෙළඳපොළේ අලෙවි කරන සියලුම භාණ්ඩවල මිල ගණන් පැහැදිලිව ප්රදර්ශනය කළ යුතු බවත්, ආනයනික භාණ්ඩවල නියමිත සියලු තොරතුරු ඇතුළත් විය යුතු බවත් පාරිභෝගික කටයුතු අධිකාරිය වෙළෙඳුන්ට නැවත මතක් කර දෙයි. මෙවැනි අක්රමිකතා පිළිබඳ තොරතුරු 1977 ක්ෂණික ඇමතුම් අංකය ඔස්සේ පාරිභෝගික අධිකාරිය වෙත දැනුම් දිය හැක.