අද (21) අලුයම වැල්ලවාය-මොණරාගල මාර්ගයේ කුඹුක්කන ප්රදේශයේදී ටිපර් රථයක් පුද්ගලයින් 10 දෙනෙකු රැගත් ට්රැක්ටරයක ගැටීමෙන් පුද්ගලයින් පස් දෙනෙකු මිය ගිය බව පොලිසිය පැවසීය.
වැල්ලවාය දෙසට ගමන් කළ ටිපර් රථය ප්රතිවිරුද්ධ දිශාවට ගමන් කළ ට්රැක්ටරය සහ ට්රේලරය ගැටීමෙන් කළු පාලම මතදී මෙම අනතුර සිදුවිය.
ට්රේලරයේ ගමන් කළ අට දෙනෙකු බරපතල තුවාල ලබා මොනරාගල රෝහලට ඇතුළත් කරන ලදී. ඉන් පස් දෙනෙකු පසුව මිය ගිය අතර, ඉතිරි තිදෙනා රෝහලේ ප්රතිකාර ලබමින් සිටිති.
මියගිය අය වයස අවුරුදු 21, 26, 31, 55 සහ 56 වන වියේ පසුවන දොඩම්ගස්ලන්ද, බුත්තල සහ හොරබොක්ක යන ප්රදේශවල පදිංචිකරුවන් වේ.
ටිපර් රථයේ සහ ට්රැක්ටරයේ රියදුරන් අත්අඩංගුවට ගෙන ඇති අතර, මොනරාගල පොලිසිය වැඩිදුර පරීක්ෂණ පවත්වයි.