පසුගිය කාලයේ ලෝකයට දැඩි බලපෑම් එල්ල කළ එල් නිනෝ (El Niño) කාලගුණ තත්ත්වය දෙසැම්බර් මාසයේදී එහි උපරිමයට ළඟා වීමට පෙර ඉදිරියේදී තවදුරටත් තීව්‍ර වනු ඇති බව එක්සත් ජාතීන්ගේ සංවිධානය අනතුරු අඟවයි. එම සංවිධානය පෙන්වා දෙන පරිදි, මෙම තත්ත්වයත් සමඟ ඉදිරියේදී සාගර ජලයේ මතුපිට උෂ්ණත්වය ඉතිහාසයේ වාර්තා වූ ඉහළම අගය කරා ළඟා වීමේ දැඩි අවදානමක් පවතී.
ජාත්‍යන්තර කාලගුණවිද්‍යා සංගමයේ වාර්තාවලට අනුව, 1950 වර්ෂයෙන් පසු ලෝකය මුහුණ දුන් ප්‍රබලතම එල් නිනෝ තත්ත්වය මෙය වන අතර, මෙම කාලගුණ විපර්යාසය 2027 වසරේ පෙබරවාරි මාසය දක්වාම අඛණ්ඩව ක්‍රියාත්මක වනු ඇතැයි අපේක්ෂා කෙරේ.
මේ අතර, චිකාගෝ විශ්වවිද්‍යාලය විසින් සිදු කරන ලද මෑතකාලීන අධ්‍යයනයකින් හෙළි වී ඇත්තේ, පසුගිය ජූනි මාසයේ සිට එළැඹෙන පෙබරවාරි දක්වා පවතින මෙම අතිශය ප්‍රබල එල් නිනෝ තත්ත්වය හේතුවෙන් ගෝලීය වශයෙන් ලෝකවාසීන් 451,000කට අධික සංඛ්‍යාවකගේ ජීවිත අහිමි වීමේ දැඩි අවදානමක් පවතින බවයි.