කාසියේ වාසිය දිනාගැනීමෙන් අනතුරුව පළමුවෙන් පන්දුවට පහරදීමට තීරණය කළ ඉන්දියානු කණ්ඩායම තරඟයේ දෙවන දිනය වන විට සිය පළමු ඉනිම සඳහා කඩුලු 6 ක් දැවී ලකුණු 389 ක ප්රබල මට්ටමකට පිවිස සිටියි. ආරම්භක පිතිකරු දෙව්දත් පඩික්කාල් විශිෂ්ට ශතකයක් (ලකුණු 117) වාර්තා කරමින් ඉන්දීය ඉනිමේ මුලපිරීම සවිමත් කළ අතර, නායක සුබ්මන් ගිල් ලබාගත් අර්ධ ශතකය (50) සහ යශස්වී ජයිස්වාල් (45) හා රවීන්ද්ර ජඩේජා (43) එක් කළ ලකුණු සංඛ්යාවන් ඉන්දීය කණ්ඩායම ශක්තිමත් පදනමකට ගෙන ඒමට උපකාරී විය.
තදබල පීඩනයක් හමුවේ වුවද ශ්රී ලංකා පන්දු යවන ක්රීඩක අසිත ප්රනාන්දු පන්දුවෙන් කැපී පෙනෙන දක්ෂතා දක්වමින් ලකුණු 60 කට කඩුලු 4 ක් දවා ගැනීමට සමත් විය. ඊට අමතරව ලහිරු කුමාර සහ කේෂර නුවන්ත අතරේ ඉතිරි කඩුලු බෙදී ගිය අතර, ශ්රී ලංකා පන්දු යවන්නන් තරඟයට අවතීර්ණ වීමට දැඩි උත්සාහයක නිරත විය.
කෙසේ වෙතත්, තරඟයේ පාලනය තවදුරටත් ඉන්දියාව සතුව තබා ගනිමින් නොදැවී ක්රීඩා කරන රිෂාබ් පාන්ට් (45*) සහ ධ්රුව් ජුරෙල් (46*) එක්ව 7 වන කඩුල්ල වෙනුවෙන් නොදැවී ප්රබල සබඳතාවක් ගොඩනඟමින් සිටිති. තරඟ දෙකකින් සමන්විත මෙම ටෙස්ට් තරඟාවලියේ පළමු තරඟය ජයගෙන සිටින ඉන්දියාව මේ වන විට 1-0 ක් ලෙස පෙරමුණේ පසුවේ.