2026 අගෝස්තු 15 වැනිදා ගාල්ලේදී ආරම්භ වූ ඉන්දියාව සහ ශ්රී ලංකාව අතර පළමු ටෙස්ට් තරගයේ පස්වන සහ අවසන් දිනය වන අද වන විටත් තරගය උණුසුම්ව පවතින අතර කාසියේ වාසිය දිනා පළමුවෙන් පන්දුවට පහරදුන් ඉන්දියාව පළමු ඉනිමේදී ලකුණු 462 ක් සහ දෙවැනි ඉනිමේදී ලකුණු 193 ක් ලබා ගනිමින් ශ්රී ලංකාවට ලකුණු 372 ක ඉලක්කයක් ලබා දුන්නා.
ඒ අනුව ජයග්රහණය වෙනුවෙන් පිතිකරණය කරන ශ්රී ලංකාව දැනට කඩුලු 6 කට ලකුණු 175 ක් ලබා සිටින අතර, ජයග්රහණය සඳහා තව ලකුණු 197 ක් අවශ්යව තිබෙනවා. දැනට පිටියේ සිටින නායක ධනංජය ද සිල්වා ලකුණු 46 කටත්, සොනල් දිනූෂ ලකුණු 40 කටත් නොදැවී සිටින අතර මෙම හවුල ශ්රී ලංකා ඉනිම බිඳ වැටීමෙන් බේරාගෙන තිබෙනවා.
ඉන්දීය පන්දු යවනන් වන ප්රසිද් ක්රිෂ්ණා සහ මානව සුතර් කඩුලු 2 බැගින් ලබාගෙන ඇති අතර, ඉන්දියාවට තරගය ජය ගැනීමට තව කඩුලු 4 ක් පමණක් ඉතිරිව තිබෙනවා.