රුසියාව විසින් යුක්රේනයට එරෙහිව ගෙන යන යුද්ධයට ලැබෙන මූල්ය ශක්තිය අඩපණ කිරීමේ අරමුණින් සකස් කළ ‘රුසියාවට සම්බාධක පැනවීමේ නව පනතට’ අමෙරිකානු ජනාධිපති ඩොනල්ඩ් ට්රම්ප් අත්සන් තබා ඇත.
මෑතකදී අභාවප්රාප්ත වූ, යුක්රේනය වෙනුවෙන් පෙනී සිටි ප්රබල සෙනෙට් සභික ලින්ඩ්සි ග්රෑම් සිහිපත් කරමින් මෙම පනත ‘Lindsey O Graham Sanctioning Russia and Iran Act of 2026’ ලෙස නම් කර තිබේ.
රුසියානු තෙල් සහ ගෑස් විශාල වශයෙන් මිලදී ගන්නා රටවලට 100%ක් දක්වා වූ තීරුබදු පැනවීමට අමෙරිකානු ජනාධිපතිවරයාට මෙයින් සෘජු බලය හිමිවේ.
රිපබ්ලිකන් පක්ෂයේ බහුතර බලය හිමි නියෝජිත මන්ත්රී මණ්ඩලයේදී ඡන්ද 262-159ක් ලෙස පනත සම්මත වී දින දෙකකට පසුව ජනාධිපතිවරයාගේ අනුමැතිය ඊට හිමි විය.
රුසියානු රාජ්ය නිලධාරීන්, බැංකු, බලශක්ති අංශ මෙන්ම රුසියානු හමුදා මෙහෙයුම්වලට සහාය දක්වන විදේශීය ආයතන ද මෙම නීතියට යටත් වේ.
රුසියාවෙන් වැඩි වශයෙන් ඉන්ධන සහ ගෑස් ආනයනය කරන ඉන්දියාව සහ චීනය වැනි රටවලට මෙම නව නීතිය හේතුවෙන් දැඩි ආර්ථික බලපෑමක් එල්ල වීමේ අවදානමක් පවතී.