පකිස්ථානයේ 79 වන නිදහස් සංවත්සරය සැමරීම වෙනුවෙන් අගනුවර වන ඉස්ලාමාබාද් නුවර මධ්යම රාත්රියේ අලංකාර ගිනිකෙළි සංදර්ශන පවත්වමින් මහජනතාව මහත් උත්සවශ්රීයෙන් වීදි බැස තිබේ. ජාතික කොඩිය අතැතිව රැස්වූ ජනතාව “පකිස්ථානය චිරාත් කාලයක් වැජඹේවා” (Long Live Pakistan) යනුවෙන් ගෝෂා කරමින් සිය ප්රීතිය පළ කළහ.
හරිත හා සුදු පැහැති ජාතික වර්ණවලින් සැරසුණු කාන්තාවන් සහ ළමයින් ද මෙම රාත්රී සැමරුම් සඳහා එකතු වී ඇති අතර, ප්රධාන මාර්ග සහ පොදු ස්ථාන ජනතාවගෙන් පිරී පැවතිණි.
බ්රිතාන්ය යටත් විජිත පාලනය අවසන් වීමෙන් සහ ඉන්දියානු උපමහද්වීපය බෙදා වෙන්කිරීමෙන් පසුව 1947 අගෝස්තු 14 වන දින පකිස්ථානය ස්වාධීන රාජ්යයක් ලෙස බිහිවිය.ධජය එසවීමේ නිල උත්සව ඇතුළු විශේෂ සංස්කෘතික වැඩසටහන් රැසක් දිනය පුරා පැවැත්වීමට කටයුතු යොදා ඇත. ‘යාඩ්ගාර්-ඊ-ෆතේ’ (Yadgar-e-Fatah) ජයග්රාහී ස්මාරකය: මෙවර නිදහස් දින සැමරුමට සමගාමීව, ඉන්දියාවට එරෙහිව පැවැති සටන මතක් කරමින් ඉස්ලාමාබාද් හි ඉදිකරන ලද “ජයග්රහණයේ ස්මාරකය” හෙවත් ‘යාඩ්ගාර්-ඊ-ෆතේ’ (Monument of Victory) විවෘත කිරීම ද සිදුවිය.