තෛපොංගල් උත්සවය හේතුවෙන් තාවකාලිකව අත්හිටවූ නැගෙනහිර පළාතේ රජයේ රොහල්වල වෛද්ය වර්ජනය අද (19) යළි ආරම්භ කර තිබේ.
ඒ අනුව අද පෙ.ව. 8.00 සිට නැගෙනහිර පළාතේ සියලුම රජයේ රෝහල්වල මෙම වෛද්ය වර්ජනය ක්රියාත්මක බව තෛපොංගල් උත්සවය හේතුවෙන් තාවකාලිකව අත්හිටවූ බව රජයේ වෛද්ය නිලධාරීන්ගේ සංගමය පවසයි.
ඔවුන්ගේ ඉල්ලීම්වලට රජයෙන් මේ දක්වා කිසිදු ප්රතිචාරයක් නොලැබුණු බැවින් නැවත මෙසේ වැඩ වර්ජනය ආරම්භ කරන බව රජයේ වෛද්ය නිලධාරීන්ගේ සංගමය වැඩිදුරටත් පැවසීය.
අක්කරෙයිපත්තුව මුලික රෝහලේ වෛද්ය අධිකාරීවරයා සම්බන්ධයෙන් එල්ල වී ඇති චෝදනාවලට අදාළව ඔහු එම ධුරයෙන් ඉවත් කර සාධාරණ පරීක්ෂණයක් පවත්වන ලෙස ඉල්ලා පසුගිය අඟහරුවාදා දිනයේ සිට නැගෙනහිර පළාතේ සියලුම රජයේ රෝහල්වල වෛද්යවරු මෙම වර්ජනය ආරම්භ කර තිබුණි.