NEWSNOW | – ශ්‍රී ලංකා පවුල් සංවිධාන සංගමයේ පුත්තලම සුව සේවා මධ්‍යස්ථානය විසින් ආණමඩුව කාර්මික විද්‍යාලයේ සිසුන් සමග එක්ව, දැනුම, ඉගෙනීම සහ සමාජ එක්වීම එක් කරමින් අන්තර්ජාතික තරුණ දිනය සුවිශේෂී ලෙස සැමරීය.
තරුණ පා ගමනකින් ආරම්භ වූ මෙය සෞඛ්‍ය සම්පන්න සහ දැනුමැති සමාජයක් ගොඩනඟා ගැනීමේ එකමුතුව හා කැපවීමේ සංකේතයක් ලෙස පැවැත්විණි.
එයට අමතරව පරිපූර්ණ ලිංගික අධ්‍යාපන පුහුණු වැඩසටහනක් සජීවී සහ සංවාදමය පරිදි පැවැත්වීමෙන්, එයට සහභාගී වූ තරුණ,තරුණියන්ට නිවැරදි තොරතුරු ලබා ගැනීමේ හැකියාව සහ තම සෞඛ්‍යය පිළිබඳ විචාරශීලී තීරණ ලබා ගැනීමට අවශ්‍ය දැනුම ලබා දීම සිදු කරන ලදි.
මෙවන් වැඩසටහන් තරුණයන්ගේ දැනුම, විශ්වාසය සහ නායකත්වය ගොඩනගා, අනාගතය වෙනස් කරන පරපුරක් සෑදීමට උපකාරී වේ.
