NEWSNOW | – පලස්තීන යුද්ධය නතර කරන තුරු ඊශ්‍රායල සොල්දාදුවන්ට වීසා නිකුත් කිරීම නවත්වන ලෙස ඉල්ලා ජාතික ෂුරා කවුන්සිලයෙන් ජනාධිපතිවරයාට ලිපියක් යොමු කර තිබේ.
ඊශ්‍රායල හමුදාවේ හිටපු සහ වත්මන් සාමාජිකයින් ලෙස ශ්‍රී ලංකාවට පැමිණෙන සංචාරකයින් දැනට විශාල ගැටලුවක් වී ඇති බවත්, ඊශ්‍රායල-පලස්තීන යුද්ධය අවසන් වන තුරු ඔවුන්ට වීසා ප්‍රතික්ෂේප කළ යුතු බවත් ජාතික ෂුරා කවුන්සිලය ජනාධිපති අනුර කුමාර දිසානායක වෙත ලිපියක් යවමින් සඳහන් කරයි.
‘ශ්‍රී ලංකාවේ ඊශ්‍රායල පුරවැසියන් පිළිබඳ නිරීක්ෂණ සහ සමාජ සමගිය සහ ජාතික ආරක්ෂාව කෙරෙහි අපේක්ෂිත බලපෑම’ යන මැයෙන් ජාතික ෂුරා කවුන්සිලයේ මහලේකම් රෂීඩ් එම්. ඉමිටියාස් විසින් යවන ලද ලිපියේ මේ බව සඳහන් වේ.
ඊශ්‍රායල ජාතිකයින්ට වීසා නිකුත් කිරීම සම්බන්ධයෙන් ඉල්ලීම් හතරක් ද ලිපියේ දක්වා ඇත.
ජාතික ෂූරා කවුන්සිලය විසින් ජනාධිපතිවරයා වෙත යවන ලද ලිපියේ සඳහන් වන්නේ මෙම ඉල්ලීම් සඳහා ඔබේ ප්‍රතිචාරය ලබා දෙන්නේ නම්, එය එහි සාමාජික ආයතන 12 සහ එහි සාමාජිකයින් වෙත ලබා දිය හැකි බවයි.
