දෘශ්‍යාබාධිත පාර්’ලිමේන්තු මන්ත්‍රී සුගත් වසන්ත ද සිල්වා මහතාගේ අවශ්‍යතා සපුරාලීම සඳහා විශේෂ වැඩපිළිවෙලක් හඳුන්වාදීමට සැලසුම් කර ඇති බව ශ්‍රී ලංකා පාර්’ලිමේන්තුවේ මහලේකම් කුෂානි රෝහණදීර මහත්මිය නිවේදනය කර තිබේ.
පාර්’ලිමේන්තු මන්ත්‍රී සුගත් වසන්ත ද සිල්වා මහතා ජාතික ජන බලවේගයේ (NPP) ජාතික ලැයිස්තුවෙන් පාර්’ලිමේන්තු මන්ත්‍රීවරයෙකු ලෙස පත් කර තිබේ. ඔහු ශ්‍රී ලංකාවේ ප්‍රථම දෘශ්‍යාබාධිත පාර්ලිමේන්තු මන්ත්‍රීවරයා ද වේ.
පාර්ලිමේන්තු මන්ත්‍රීවරයා වෙනුවෙන් සිදුකෙරෙන කටයුතු පිළිබඳ තොරතුරු හෙළි කරමින් කුෂානි රෝහණදීර මහත්මිය සඳහන් කළේ සභා ගර්භයට ඇතුළුවීම සහ පිටවීම සුමටව සිදුකිරීමට කටයුතු කරමින් සිටින බවයි.
නව මන්ත්‍රීවරයාගේ සුවිශේෂී අවශ්‍යතාවයන්ට සරිලන පරිදි තාක්‍ෂණික වෙනස්කම් සිදු කරමින් ඡන්දය ප්‍රකාශ කිරීම සඳහා මන්ත්‍රීවරයාගේ සහභාගීත්වය සහතික කිරීමට ද කටයුතු කරමින් සිටින බව ඇය වැඩිදුරටත් පැවසුවාය.
පාර්’ලිමේන්තු මන්ත්‍රී සුගත් වසන්ත ද සිල්වා මහතාගේ පාර්ලිමේන්තු කටයුතුවලට සහය වීම සඳහා ඡන්දය ප්‍රකාශ කිරීම සඳහා බ්‍රේල් ක්‍රමය සහ හඬ ක්‍රමය හඳුන්වා දීමට ද පාර්ලිමේන්තුව සලකා බලයි.
ශ්‍රී ලංකාවේ 10 වැනි පාර්’ලිමේන්තුවේ මංගල සැසිවාරය 2024 නොවැම්බර් 21 වැනි දින පැවැත්වේ.