ශ්රී ලංකාවේ රුමේෂ් තරංග පතිරගේ, සූරිච් (Zurich) දියමන්ති ලීග් මලල ක්රීඩා තරගාවලියේ පිරිමි හෙල්ල විසිකිරීමේ (Javelin Throw) ඉසව්වේ ප්රථම ස්ථානය දිනා ගැනීමට සමත්ව තිබේ. එහිදී ඔහු මීටර් 92.07ක දුරක් වාර්තා කරමින් මෙම විශිෂ්ට ජයග්රහණය අත්කර ගත්තේය.
තරගයේ අවසන් වටයේදී ඔහු මෙම ජයග්රාහී දුර වාර්තා කළ අතර, ග්රෙනඩා හි ඇන්ඩර්සන් පීටර්ස් දෙවැනි ස්ථානය ද, පෝලන්තයේ ඩේවිඩ් වෙග්නර් තෙවැනි ස්ථානය ද ලබා ගත්හ. රුමේෂ් තරංග මෙම වසර තුළ මීටර් 92 සීමාව ඉක්මවා ගිය දෙවැනි අවස්ථාව මෙය වීම විශේෂත්වයකි.
මෙම වසරේ පැවති පොදුරාජ්ය මණ්ඩලීය ක්රීඩා උළෙලේ (2026 Commonwealth Games) පිරිමි හෙල්ල විසිකිරීමේ රන් පදක්කම ද දිනා ගත් 23 හැවිරිදි වියේ පසුවන රුමේෂ් තරංග, සූරිච් ජයග්රහණයත් සමඟ බ්රසල්ස් නුවර පැවැත්වෙන දියමන්ති ලීග් අවසන් මහා තරගය සඳහාද (Diamond League Final) සුදුසුකම් ලබා ඇත.